DIE ANDER SÊ
Die finansiële joernalis Tim Cohen vertel in Business Day hoe maklik hy drie jaar gelede vir hom een bitcoin gekoop het teen R10 000. Hy moes die geld in ’n Sloweense bank deponeer en ’n belastingklaringsertifikaat kry vir dié buitelandse “geldeenheid”. ’n Paar dae later was die geld op sy debietkaart. Al waaroor hy nou jammer is, is dat hy nie meer gekoop het nie.
“Die swak publisiteit oor bitcoin is grotendeels verby. Inteendeel, banke en baie ander instellings val oor hul voete om die boustene van bitcoin op nuwe, vernuwende maniere te gebruik. Die voordeel van bitcoin is dat dit ’n oop lêer gebruik wat permanent elke transaksie opneem, wat dit onmiddellik en openlik verifieerbaar maak. Dit los nie die probleem op van bitcoins wat gesteel word nie, want elke bitcoin sit in ’n digitale ‘beursie’. Om daardie beursies veilig te hou, skep sy eie dilemmas.
“Transaksies is gratis, daar is meestal geen diensgeld nie en transaksies vind binne ’n mikrosekonde plaas. Die feit dat bitcoin buite die bereik van regerings funksioneer, maak dit ook aantreklik vir mense wat besef hoe maklik die uitreik van geld ’n manier van politieke onderdrukking kan raak.
“Jy betaal wel ’n ruilheffing vir geldeenhede (sowat 70 Amerikaanse sent) wanneer jy die debietkaart gebruik, en die handelaar betaal die normale heffing aan die bank wat die kaart uitreik.”