PIESANGS: PLAAS DRUK OP SUPERMARKTE
Mnr. Schalk Pienaar se brief “Hoekom word plaaslike piesangs vrot?” (LBW, 18 Augus-
tus) het betrekking.
Die (Kaapse) verbruiker se ervaring dat die Suid-Afrikaanse piesang ’n minderwaardige produk is vergeleke met ingevoerde piesangs vanaf Ecuador, dui op ’n probleem in die hantering van die produk tydens die voorsiening s ketting.
Die probleem met interne gehalte word dikwels veroorsaak deur die opberging van piesangs in koelkamers waarvan die temperatuur te laag is. Suid-Afrikaanse piesangs word hoofsaaklik in die subtropiese, noordelike dele van Suid-Afrika verbou, waarna dit by die supermarkgroep gelewer en van daar versprei word.
Die tropiese, ingevoerde piesangs land per skip in Kaapstad en word van daar versprei.
Daar is aanvanklik begin om piesangs vanaf lande soos Ecuador in te voer omdat daar ’n tydelike tekort ontstaan het weens die erge droogte wat Suid-Afrika vroeër ervaar het.
Die ingevoerde piesangs is tot 50% duurder as die plaaslike produk en word daarom met groter sorg behandel tydens die voorsiening s ketting. Dit beïnvloed die uiteindelike gehalte van die produk wanneer die verbruiker sy koopkeuse maak.
Dit is waar dat die tropiese vrug soms mooier vertoon as die plaaslike subtropiese vrug, maar die plaaslike produk se smaakprofiel is baie beter as dié van sy ingevoerde eweknie.
Die verbruiker moet druk op die supermarkgroepe uitoefen om te verseker dat die Suid-Afrikaanse produk met dieselfde sorg hanteer word sodat hy of sy plaaslike boere en produkte kan ondersteun.
Kontak gerus die Piesang kwekers vereniging van Suid-Afrika (PKVSA) by e-pos: bgasa@
iafrica.com of sel 083 310 4747. CONNIE FRASER PKVSA