WOL-AANLEG SAL NIE WERKLOOSHEID OPLOS

’N VERWERKINGSAANLEG vir wol wat in kommunale gebiede geproduseer is, is nie lewensvatbaar nie, meen die Nasionale Wolkwekersvereniging( NW K V) in antwoord op kommunale wolboere se versoek dat só ’n aanleg nader aan hul boerderye opgerig word.

’n Wolwassery en kammery is baie duur om op te rig en wanneer dit in bedryf is, sal dit betreklik min werksgeleenthede skep, het mnr. Clarence Friskin, ondervoorsitter van die Suid-Afrikaanse Wol-en Bokhaar kopers vereniging( S a wa m ba), aangedui.

Volgens Fris kin het Suid-Afrikane t twee verwerkingsaanlegte oor. Weens onbillike mededinging uit China, waar die regering verwerkers subsidieer, asook uit Indië en Oos-Europa met hul goedkoop arbeid, moes van die plaaslike verwerkers sluit of hul werksaamhede afskaal.

“Daar is geen regverdiging om nog verwerkingsaanlegte op te rig as die bestaande twee nie eens teen volle vermoë werk nie en ook nie deur die Regering gesubsidieer word nie,” sê hy.

Dr. George de Kok, voorsitter van Cape Wools, het voorgestel dat klaarverwerkte wol eerder gebruik word om truie en ander kunsvlytprodukte in die kommunale gebiede te maak omdat dit meer werksgeleenthede as ’n wol verwerkingsaanleg sal skep.

GEHALTE

Mnr. Guillau du Toit, nasionale voorsitter van die NWKV, het kommunale boere aangemoedig om hul skeersels deur die formele mark te bemark en dit nie aan

smouse te verkwansel nie.

Hy het hulle ook gevra om meer aandag aan wolklassering te gee en wolbesoedeling tot alle prys te probeer vermy omdat die naam van die hele Suid-Afrikaanse skeersel op die spel is.

“Elkeen van julle, of julle nou 100 kg of 1 000 kg wol lewer, is deel van die Suid-Afrikaanse wolfamilie en daarom moet ons hande vat om ons skeersel die beste ter wêreld te maak.”