SÓ IS WOLBOERE DEUR SA VERSPREI
DIE VRYSTAAT het die grootste getal geregistreerde kommersiële wolboere. Dié provinsie word gevolg deur die Oos-Kaap, waar skeerhuise geregistreer is as individuele produsente en nou nog verslag gedoen word as produsente van die voormalige Transkei en Ciskei. Dan volg die Wes-Kaap.
In die Vrystaat is daar 2 557 wolboere, van wie die meeste by Frankfort boer, gevolg deur Vrede, Smithfield en Harrismith.
Die Oos-Kaap spog met 1 766 kommersiele boere (die voormalige Transkei en Ciskei uitgesluit) van wie die grootste persentasie by Barkly-Oos, Cradock en Maclear voorkom. Daar is 1 042 kleinboere in die voormalige Transkei en 124 in die voormalige Ciskei.
Die Wes-Kaap het 1 461 boere van wie die
meeste by Bredasdorp, Caledon en Swellendam boer. Die Noord-Kaap het 856 wolprodusente en die grootste distrikte is Victoria-Wes, Calvinia en Richmond.
Mpumalanga het 673 produsente van wie die meeste by Ermelo en Wakkerstroom boer.
Noordwes het 338 boere, terwyl daar 256 produsente in KwaZulu-Natal is. Limpopo en Gauteng het saam 105 produsente wat wol lewer, terwyl daar nog net een produsent in Namibië oor is. Lesotho het 290 produsente.
Die getal wolboere in Suid-Afrika is 9 469.