Kyk na prestasie op lang termyn
Sonneblomboere is op soek na gemoedsrus in die lig van hoe drasties die Suid-Afrikaanse klimaat die afgelope jare van jaar tot jaar gewissel het. Kultivarkeuses vir die komende planttyd behoort op langtermynopbrengsdata te berus.
Boere moet noukeurig besluit wanneer hulle kultivars vir die nuwe planttyd kies. Soos seisoene rakende reënval, temperatuur en siektedruk verskil, het sonneblomkultivars ook verskillende reaksies teenoor dié omstandighede.
Boere moet dus nie geflous word deur reklame wat kultivars laat roem op grond van een jaar se data nie. Dit is nie ’n betroubare maatstaf vir kultivarseleksie nie en sal sonneblomboere nie die nodige gemoedsrus gee met die drasties wisselende omgewingstoestande in SuidAfrika nie.
’n Veelsydige sonneblompakket is dus nie net oor een seisoen getoets nie, maar is een wat homself oor ’n paar seisoene bewys het.
OPBRENGSPOTENSIAAL
Opbrengsstabiliteit op lang termyn is die wagwoord wanneer boere hul kultivarbeplanning vir die komende planttyd doen.
Sekere kultivars presteer dalk goed in gemiddelde toestande, maar sodra die klimaatstoestande drasties verander, presteer hierdie kultivars ondergemiddeld ten opsigte van opbrengs en siekteweerstand.
Boere het dus sonneblomkultivars nodig wat goed presteer in gunstige én ongunstige omgewingstoestande. Om dit te bereik, gebruik langtermynopbrengsdata wat die klem nie net op opbrengs plaas nie, maar ook aandui watter kultivars beter stabiliteit toon.
WENKULTIVARS
Gemoedsrus kan maklik in een woord opgesom word, naamlik AGSUN 8251. Dit is een van Agricol se vlagskipsonneblombasters. Wat opbrengsstabiliteit en siekteweerstand betref, het AGSUN 8251 geen gelyke nie.
AGSUN8251isbekendas’n sonneblombaster met ’n wye genetiese potensiaal en is ook een van die toppresterende kultivars in die nasionale kultivarproewe.
Dié kultivar het by verskeie geleenthede oor ’n tydperk van 16 jaar as wenner uit dié kultivarproewe getree. Met ’n gemiddelde opbrengs van 2,22 ton/ha oor 16 seisoene, teenoor ’n proefgemiddelde van 2,01 ton/ha van al die inskrywings in nasionale kultivarproewe, is AGSUN 8251 sonder twyfel die leier in die sonneblommark.
Boere kan strookproefdata as riglyn gebruik om kultivars se prestasie op ’n meer kommersiële vlak te meet. Strookproewe sal boere ’n goeie aanduiding gee van ’n kultivar se prestasie in sy omgewing. Langtermyndata is egter die geheim tot suksesvolle kultivarseleksie.
GOEIE POTENSIAAL
’n Nuwer toetreder tot die AGSUNsonneblomreeks is die aanpasbare AGSUN 5278. Dié kultivar spog met die unieke
stay greeneienskap en kom veral tot sy reg in pakketaanplantings saam met AGSUN 8251.
AGSUN 5270 is nog ’n voorbeeld van opbrengsstabiliteit. Dit presteer uitstekend met vroeë en laat aanplantings.
Die nuutste toevoeging tot die AGSUNsonneblomreeks is AGSUN 5273. Dié kultivar het ’n hoë opbrengspotensiaal en vaar uitstekend in alle opbrengspotensiaalgebiede.
Vertrou die AGSUNsonneblomreeks vir opbrengsstabiliteit in jou boerdery.
Mnr. Joubert Swanepoel is Agricol se sonneblomgewasbestuurder.