Skep self opbergplek op plaas
Daar is ’n stygende neiging by Suid-Afrika se produsente om graanopbergingsgeriewe op die plaas te skep. Die voordeel vir die produsent is ’n gladder verloop in die oestyd met deurvoergeriewe op die plaas en die vermindering van die impak van staantyd by
Die kapasiteit van oesmasjinerie het geweldig toegeneem. Dit het die tempo versnel waarteen geoes word, wat weer uitdagings bied vir vervoerders en aflaaipunte.
Bester Voer en Graan (Bester) se graanafdeling het by dié neiging aangepas om in produsente se veranderende behoeftes te voorsien. Bester verleen die nodige ondersteuning om gehaltebeheer, finansiering en logistiek te vergemaklik.
Die keuse van opbergingsgeriewe verskil na gelang van die behoefte in kapasiteit, beskikbare kapitaal en die mate van bedryfskoste wat die besigheid kan dra. Die gewildste soort plaasopberging is platboomsi- lo’s, silosakke, graanskure en graandamme.
PLATBOOMSILO’S
Platboomsilo’s is gegalvaniseer en word as permanente infrastruktuur op die plaas opgerig. Graanbestuur is relatief maklik met deurlugting, beroking en drogingsgeriewe.
Dié opsie verg egter ’n groot kapitaaluitleg en meer as een buis word benodig om verskillende grade effektief te bestuur.
SILOSAKKE
Die gebruik van silosakke bied ’n kostedoeltreffende en betroubare alternatief tot silo’s. Die boer bepaal die ligging, wat sy logistieke reëlings in oestyd baie vergemaklik.
Die silosakke moet deurlopend gemonitor word, maar die bestryding van kalanders is goedkoop. Dit is ook bekostigbaar om verskillende grade graan afsonderlik op te berg. Sakke kan egter slegs een keer gebruik word en die fasiliteit benodig in- en uitlaaitoerusting.
GRAANSKURE
Die produsente se huidige infrastruktuur teenoor die behoefte aan nuwe skure wat opgerig moet word, bepaal die kapitaalbehoefte van hierdie opsie. Die skure kan ná oestyd vir ander doeleindes gebruik word as graan nie op lang termyn opgeberg word nie. Graanskure se oop ruimtes maak egter beroking moeilik.
GRAANDAMME
Graandamme is ’n goedkoper opsie. Dit kan ook as deurvoer in oestyd dien. Soos met skure, is beroking ook ’n groot kwessie.
WENKE VIR OPBERGING
Produsente moet die volgende faktore in ag neem wanneer hulle besluit oor die skep van eie opberging tydens oestyd: Die logistieke kostebesparing om die naaste silo te benut, waaronder die vervoer, hantering en opbergingskoste van graan ingesluit moet word. Hierdie besparing wissel van R100 tot R150 per ton, na gelang van die afstand, opbergingstydperk en die hanteringskoste. Die produsent bestuur sy eie aflaaipunt. Daar kan dus meer ure per dag geoes word. Produsente kan self hul graan gradeer en gehaltebeheer toepas. Dit lei tot finansiële voordele. Produsente is nie onder druk om in oestyd te verkoop wanneer pryse soms op laagtepunte verhandel nie. Produsente behou die eienaarskap en risiko van die graan met eie opberging. Met derdepartysilo’s dra derdepartyeienaars die risiko, maar hulle het nie die eienaarskap nie. Produsente kan hoër premies verdien as plaasopbergingsgeriewe goed geleë is of grade gewaarborg kan word. Finansiering van graan in plaasopberging is ’n uitdaging en kan kontantvloei ’n kwessie maak.
SUKSES
Bester gebruik silosakke suksesvol in die Swartland by hul Moorreesburg-silosakdepot (MSD). Dit het ’n kapasiteit van ongeveer 35000 ton. Die Moorreesburg opberging s fasiliteit was die eerste silo sak lewerings punt in Suid-Afrika wat by Safex geregistreer is.
Bester bied verskeie dienste en kontrak tering s opsies vir sowel silo lewering-as plaas laai bemarking. Bester het unieke hulpmiddels waarmee sy bemarkers kliën- te bystaan om ingeligte en berekende besluite te neem volgens elke boer se behoeftes, koste en risikoprofiel, sodat hulle goeie finansiële besluite kan neem.