Dié fosfaatlek het sy eie reënjas
Suid-Afrika is ’n fosfaatarm land en die aanvulling van fosfaat veral gedurende die somer is niks nuuts vir boere nie. Yara Animal Nutrition gee raad oor fosfaataanvullings.
Soutfosfaatlekke word daagliks aan diere op weiding voorsien om te verseker hulle behaal hul optimale produksie en reproduksievermoë.
Lek wat weggegooi moet word omdat dit natreën en muf, kan boere groot probleme en geldelike verliese besorg.
Fosfor (P) is die mineraal wat naas kalsium (Ca) die meeste in die liggaam voorkom. Fosfaat is sout van fosforsuur. Dit is teenwoordig in alle liggaamselle (meestal in die skelet) en is belangrik vir bykans elke biochemiese proses in die liggaam.
Benewens dus ’n basiese Pbehoefte vir liggaamsonderhoud sal enige produksie, soos groei of laktasie, nog fosfaat vereis.
Somerweiding bevat normaalweg voldoende energie en proteïene, maar kan meestal nie in die hoë fosfaatbehoeftes van groeiende en lakterende diere voorsien nie. Fosfaataanvulling in die somer is dus baie belangrik om die gaping te oorbrug tussen die diere se behoeftes en dit wat die veld of weiding kan voorsien.
FOSFAATAANVULLING
Die SuidAfrikaanse boer kan vandag uit ’n groot verskeidenheid Pbronne kies. Dit wissel van klaargemengde P6 of P9produkte tot P12konsentrate vir die selfmeng van lekke.
Die keuse van ’n fosfaatproduk word egter deur meer as net die koste van die fosfaatbron per sak bepaal. Toegevoegde waarde, soos die insluiting van spoorminerale, weerbestandheid, konstante samestelling en tegniese ondersteuning, is van die faktore wat die aankoop van voerfosfate raak.
Voordat jy ’n fosfaatproduk kies, neem die hoeveelheid en voorkoms van reën in die omgewing in ag. Boere lei dikwels groot verliese weens lekke wat tydens die reëntyd nat word en dan muf. Dié lekke raak onsmaaklik en inname neem af. Die lek moet dan weggegooi en met nuwe lek vervang word.
Dit is dikwels een van die redes waarom boere glad nie fosfaatlekke in die somer gee nie. Hoewel herkouers die vermoë het om fosfaat vanuit hulle skeletreserwes te mobiliseer, kan hierdie reserwes nie vir altyd hou nie en moet dit deurlopend aangevul word.
Die fosfaatbehoefte by diere hou regstreeks verband met die energiebehoefte en dus die produksiestatus wat gehandhaaf word. Hoe hoër die produksiestatus van diere, soos groei, laktasie en dragtigheid (soos wat tradisioneel in die somerreëngebied voorkom), hoe hoër is die fosfaatbehoefte.
PHOSSURE
Yara Animal Nutrition bied as oplossing vir hierdie probleem die unieke, weerbestande lekreeks, PhosSure.
Hierdie produk word van monodikalsiumfosfaat (MDCP) van hoë gehalte gemaak. ’n Unieke sproeigedroogde melassebyproduk word bygevoeg om die produk weerbestand te maak en smaak daaraan te gee.
Wanneer PhosSure natreën, word ’n harde lagie boop die produk gevorm. Hierdie harde lagie keer dat water die produk binnedring en dit beskadig. Ná die reën kan diere die harde lagie breek en die droë, onbeskadigde lek daaronder verder vreet – dus geen lek wat muf en weggegooi moet word nie.
PhosSure is verryk met die belangrikste spoorminerale (kobalt, koper, jodium, sink, mangaan en seleen) in die regte verhouding tot fosfaat.
PhosSure 6 (reg.nr. V19200, Wet 36/1947) is ’n klaargemengde gereedomtegebruikkonsentraat wat minstens 60 g fosfaat per kg en 120 g kalsium per kg bevat. PhosSure 12 (reg.nr. V12858) bevat minstens 120 g fosfaat per kg en 240 g kalsium per kg en kan 50:50 met sout gemeng word ( ).