Unieke oplossings vir graanopberging
Die ongekende groei van Global Grain & Water Storage Solutions se aanleg en sakebelange op Heilbron in die Vrystaat is ’n bewys dat dié maatskappy sy beloftes rakende diens en produkte gestand doen en klante se verwagtinge oortref.
Global Grain & Water SS is toegespits op toerusting vir graanen waterhantering, die opberging van klein of groot hoeveelhede graan en wateroplossings vir die landboubedryf. Die maatskappy se werkwinkels vervaardig die toerusting volgens individuele spesifikasies. Dus kan boere en graanhandelaars, soos koöperasies, graan makliker opberg en hanteer.
Daar is verskillende opsies vir graanopberging, soos damme en bunkers. Graansilo’s van sink, waterdamme en damvoerings is ook beskikbaar. Danksy goeie vakmanskap, gehalte, die gebruik van duursame materiaal en professionele installering is Global Grain & Water SS se oplossings vir die graanbedryf kostedoeltreffend.
VRAGMOTORSEILE
Global Grain & Water SS se
dienste sluit deesdae ook die vervaardiging van PVC-seile vir swaarvoertuie in. Die maatskappy bring ook grootformaatdrukwerk op vragmotorgordyne aan.
Die maatskappy vervaardig seile en nette vir wipbakvragmotors, asook vragmotorgordyne met handelsname en -ontwerpe vir die sykante van verskillende groottes vragmotors.
Die indrukwekkende reeks produkte sluit plat PVC-seile van 500 gsm tot 1 000 gsm in. Damvoerings van 1 000 gsm het ’n waarborg van 12 jaar.
GRAANDAMME EN AWEGAARS
Die ekonomiese opberging van graan op plase sluit dié opsies in: Graandamme (150 ton per dam). Graanbunkers (2 000 ton en meer). Die maasdraad van graandamme het ekstra voordele, soos ’n 65 MPa-sweislas en galvanisering. Die onderste meter van die damme bestaan uit kleiner blokkies om skeure te voorkom. Die damme is gewoonlik 2,2 m hoog. Die onderste gedeelte van 1,2 m bestaan uit maasdraadblokkies van 200 mm x 100 mm.
Global Grain & Water SS vervaardig ook ’n verskeidenheid elektriese en hidrouliese awegaars wat die hantering van graan in graandamme en graansilo’s makliker maak.
GRAANBUNKERS
Global Grain & Water SS is trots daarop om die grootste vervaardiger van graanbunkers en graanaflaaitoerusting in Suid-Afrika te wees. Graanbunkers se houvermoë wissel van 2 000 ton tot 50 000 ton.
Global Grain & Water SS kan met trots sê hy is die enigste onderneming in Suid-Afrika wat graanbunkers, bunker-aflaaitoerusting en PVC-seile onder een dak vervaardig.
Global Grain & Water SS is groot genoeg om boere oor die hele Suid-Afrika te help. Hy verskaf ook produkte en dienste aan ander Afrikalande.