Verbreed die grense van jou landboubehoeftes
Met hope ervaring agter die maatskappy se naam en ’n korporatiewe beleid wat op ontwikkeling fokus, vernuwe Landini steeds sy werktuie en stel ’n nuwe generasie trekkers bekend.
Landini se 7-reeks is toegerus met ’n moderne kajuitontwerp, ’n stylvolle dog aggressiewe voorkoms, ’n nuwe “Pro Drive”-ratkas en beproefde Betapower-enjins.
Hierdie indrukwekkende reeks trekkers is gereed vir die toenemende uitdagings wat die moderne landbou rig.
Dit is ’n reeks trekkers wat ongetwyfeld voldoen aan die landboumark se hoogste verwagtinge.
Die 7-reeks is ontwerp en aangepas om in kliënte se behoeftes te voorsien en aan die vereistes van ’n mededingende landbou te voldoen.
Deur die kombinasie van lae koste met maksimum gemak, betroubaarheid en uitstekende prestasie voldoen die reeks beslis aan die vereistes van groot plase en kontrakteurs.
VIER MODELLE
Die reeks bestaan uit vier modelle wat toegerus is met die nuutste Betapower-sessilinderenjin wat aan vlak 3-omgewingstandaarde voldoen. Dié enjins het 24 kleppe en ’n elektroniese inspuitingstelsel met ’n gemeenskaplike spoor, wat uitstekende wringkragfunksies bied vir buigsame gebruik.
Daarbenewens kan die DualPower-stelsel die krag wat by die kragaftakker (PTO) beskikbaar is, outomaties verhoog.
’n Kragtige enjin gekombineer met uitstekende meganiese, hidrouliese en elektroniese prestasie, maak die 7-reeks trekkers ideaal vir die veeleisendste take op die plaas.
Die sterk gietstaal-onderstel en hangende enjin waarmee die 7-reeks toegerus is, veroorsaak minder vibrasies en het ’n laer geluidsvlak, wat die gerief van die operateur verseker.