Jacto-spuit nou nóg beter
Northmec sit die staal in jou strategie. Dié maatskappy streef voortdurend daarna om bekostigbare toerusting van ’n hoë gehalte by sy bestaande reeks puik toerusting te voeg. Die uitbreiding van die Jacto Uniport-reeks het ’n groot opskudding in die mark
Die selfaangedrewe Uniport 3030-spuit het ’n chemiese tenk wat 3 000 liter hou, en ’n spuitbalk van 32 m wyd. Sy nuwe, groter boetie, die Jacto Uniport 4530, is die antwoord op groeiende vereistes om selfs nog meer hektare per dag te kan bespuit met toerusting wat ook die sak pas.
Die Jacto Uniport 4530 het ’n chemiese tenk wat 4 500 liter hou, en ’n spuitbalk van 36 m. Die spuit weeg net ’n skamele 10 500 kg (leeg) en het ’n uitstekende bedryfsdoeltreffendheid van tot 80 hektaar per uur.
Wanneer dit vergelyk word met selfloperspuite met ’n chemiese tenk wat 3 000 liter hou, en ’n balk van 30 m is die Uniport 4530 se bedryfsdoeltreffendheid (gemeet in hektaar per uur) tot 30% hoër en die gewasskade tot 17% minder. Die Uniport 4530 se brandstofverbruik is maar 0,40-0,70 liter per hektaar. Ook dié aspek is tot 35% minder vergeleke met soortgelyke werktuie op die mark.
VINNIGER, KLEINER
Die nuwe Unitrack®-vierwielstuurstelsel moet uitgesonder word omdat dit vinniger en akkurater bewegings en ’n kleiner draaisirkel meebring. Dié kortdraaistelsel verminder gewasskade met tot 40%.
Die balk se spuithoogte is 2,75 m, terwyl die grondvryhoogte van 1,55-1,75 m verstel kan word. Dit bied meer opsies in alle plantstadia.
Met sy indrukwekkende maksimum spuitspoed van 35 km/h en maksimum padspoed van 40 km/h kan die spuit vinnig sy take afhandel en tussen landerye ry vir optimale produktiwiteit.
Die spuit bevat ingeboude Otmis-tegnologie, soos outomatiese beheer van individuele spuitkoppe, outomatiese stuurtegnologie wat op Trimble berus, asook ’n RTX-korreksiesein. ’n Temperatuur- en humiditeitsensor, asook truratkamera is standaard op hierdie bielie.
JACTO UNIPORT 3030
Die Jacto Uniport 3030 is ’n gevestigde model wat nou oor opwindende nuwe opsies beskik, soos die Unitrack®-vierwielstuurstelsel.
Benewens die bestaande twee balkopsies van 28 m en 32 m is ’n nuwe balkwydte van 36 m ook beskikbaar. Die balk van 36 m verhoog die bedryfsdoeltreffendheid met tot 14% en verminder gewasskade met tot 17% vergeleke met selfaangedrewe spuite met ’n balkwydte van 30 m.
Die unieke spuitbeheerstelsel verdien spesiale vermelding. Anders as enige ander spuit kan die Jacto Uniport deurlopende druk en lewering handhaaf ondanks die grondspoed. Dit is alles moontlik omdat ’n suierpomp met positiewe lewering pleks van ’n sentrifugale pomp gebruik word.
Baie laer pompomwentelings is nodig om ’n veel hoër lewering te verseker.
Die pomp se rotasie veroorsaak ’n spesifieke lewering en daarom kan die hoeveelheid water wat nodig is sonder enige onnodige duur pulsstelsels deur middel van pomprotasie beheer word.