Vryheid in die stad én natuur
Met die bou van die nuwe Toyota Fortuner is geen koste ontsien om dié voertuig veilig, ekonomies en indrukwekkend te maak nie.
Die Toyota Fortuner verpersoonlik die ware weelde van vryheid. Die Fortuner se ontwerp staan uit in ’n stedelike omgewing én dit is opgewasse vir buitelugtoestande.
Al die Fortuner-modelle het klankstelsels met vier of ses luidsprekers, ’n hulpsok/USB-poort, AM/FM-radio en ’n CD-speler.
Die klankstelsels van die 2.8GDen 4.0-V6-modelle pronk met DAB+ digitale radio en ’n 7”-skerm met DVD-versoenbaarheid en trurat-kamerabeeld.
Ander standaardkenmerke sluit in ’n Bluetooth-verbinding, lugversorging, stuurgemonteerde kontroles vir klankstelsel- en telefoonbeheer, sowel as elektriese beheer vir die deurslotte, deurspieëls en vensters.
VELD EN BESKAWING
Die Fortuner het ’n hoësterkteraam, stewige romp, kronkelvere en onderstelkalibrering.
Die gevolg is duursaamheid, hantering wat vertroue bied, en goeie ritgemak met min oordrag van padgeraas, enjinvibrasies en grofheid.
Die Fortuner se veringhardeware behels versterkte veringtorings en dikker skokbrekers vir duursaamheid, stabiliteit en die uitskakeling van klein vibrasies.
Die dik skokbrekersilinders stel die dempers in staat om hoë dempkrag in ’n kort beweging te bewerkstellig om die kleinste impak op grofheid te maak.
Die demperkurwe is gekalibreer om ’n gelyke rit teen lae dempersnelhede te bied.
Die stuurkalibrering is ontwikkel om met die minste stuurmoeite by uiterste toestande, verskillende smake en uiteenlopende bestuurdersvereistes te pas.
KRAGTOENAME
Die Fortuner word aangedryf deur ’n reeks nuut ontwikkelde enjins, waaronder die 2.4- en 2.8-GD-enjinreeks, die 2.7-VVT-i en vierliter-V6-kragbronne.
Die hoëverrigtingsweergawe van die 2.4-GD bied uitstekende brandstofdoeltreffendheid van 7 liter/100 km vir die handrat en 7,9 liter/100 km vir die outomatiese weergawe.
Die 2.8-GD bied ’n gedugte balans tussen krag en besparing. Die verbruiksyfer wissel na gelang van die model van 7,5 liter/100 km tot 8,5 liter/100 km.
TRANSMISSIE
Die Fortuner gebruik die jongste Toyota-sesgang-transmissietegnologie vir groter gerief.
Die handrat- en outomatiese transmissie maak verskeie ratverhoudings moontlik om versnellingsverrigting en brandstofekonomie teen snelwegsnelhede te vervolmaak.
Toyota het die nuwe geslag transmissiestelsels ontwikkel om brandstofbesparing en wisselgevoel te verbeter, wat ook betroubaarheid en duursaamheid verseker.
GEMOEDSRUS
Die Fortuner bied die heel beste veiligheidstandaard. Standaardelektroniese veiligheidsmaatreëls sluit in voertuigstabiliteitsbeheer, sleepwa-swaaibeheer, aktiewe kloubeheer, heuwelwegtrekhulp en rymodus (Drive Mode Select).
Afdraandebeheer is vir die 4x4-modelle beskikbaar.
Die sleepwa-swaaibeheer gebruik rembeheer en enjinverrigtingbeheer om sydelingse sleepwa-beweging te beperk.
Afdraandebeheer rem ’n 4x4voertuig in hoë- of laestrek om ’n bestendige snelheid teen ’n steil afdraande te behou.