Oplossings vir SA boere
Die opbrengs per hektaar het sigbaar verhoog danksy verbeterde produktiwiteit in die landbou. AgriCAD vind nie net daarby baat nie, maar dra ook daartoe by.
Sedert sy ontstaan in 2010 het AgriCAD met sy vernuwende werktuie ’n groot invloed op die landbou. Boere moes deurentyd aanpassings maak om in pas te bly met veranderings in die landboubedryf. Toepaslike werktuie, soos groter tapkarre en landsilo’s met ’n groter laaivermoë en vinniger uittaptempo, is ontwikkel om graan doeltreffender te vervoer.
AgriCAD se idees word op tekenstelle geplaas en dan meganies ontwerp deur metodes, soos indeksering, te gebruik om die doeltreffendste oplossing aan boere te bied.
Klem word geplaas op die gehalte van die bouwerk, die afwerking en die goeie verf wat gebruik word. Gehaltebeheer word deurlopend toegepas.
Die werktuie word met omsigtigheid vervaardig, maar diens is net so belangrik. Benewens die agente se ondersteuning het AgriCAD ’n toegewyde span wat kliënte op kort kennisgewing kan bystaan.
VERMINDER STAANTYD
AgriCAD se kunsmistapkar bied ’n bekostigbare hanteringsoplossing aan boere. Dit is spesifiek ontwikkel om in die SuidAfrikaanse boer se behoeftes te voorsien.
Die BF073, BF105 en BF150 bied die volgende praktiese voordele: Die laaimeganisme laai kunsmis in groot maat en in sakke maklik en vinnig; Uittap- en stopbeheer deur die operateur op die uittappyp; ’n Maksimum verstelbare uittapspoed van tot 1 ton per minuut vir algehele beheer; ’n Modulêre ontwerp wat onderhoud en vervanging maklik en bekostigbaar maak; ’n Toesluitsaadkas van 300 kg (BF073, BF105 en BF150); ’n Toerolseil as standaard vir beskerming teen die elemente; ’n Houvermoë van 7 000 liter, 10 500 liter en 15 000 liter om maklik 7 ton, 10,5 ton of 15 ton kunsmis per vrag te hanteer; en Opsionele meganiese laaibakke van onderskeidelik 500 kg (BF073) en 1 ton (BF105 en BF150).