Data vir die toekoms
Is jy moeg daarvan om deur stapels bladsye vol ou data te soek om ’n brokkie waardevolle inligting te vind? Wens jy boerderypraktyke kon beter digitaal bestuur word? Indien wel, hier is goeie nuus.
Agri Technovation en Laeveld Agrochem het ondersoek ingestel oor hoe die beginsel van presisieboerdery verder ontwikkel kan word. Die kern van die probleem was dat data nutteloos is as dit nie in inligting omskep word nie. Inligting word eers wérklik waardevol wanneer dit insig bied.
Dus was die probleem om die ketting van data in alledaagse boerderypraktyke te omskep in ’n gebruikersvriendelike, kennisgegronde stelsel wat verteerbare, verstaanbare en insiggewende riglyne aan boere bied.
TEGNOLOGIE
Met Decision Farming™, Agri Technovation en Laeveld Agrochem se unieke benadering tot besluitnemingsboerdery kan boere nou baie meer vermag.
Besluitnemingsboerdery gebruik al die beskikbare inligting van ’n boerdery. Dit word dan gekombineer met vooraanstaande landbouspesialiste se kundigheid om optimale, volhoubare landbouprosesse moontlik te maak.
MyFarmWeb™ is een van die bruikbaarste gevolge van dié benadering. Dit is ’n digitale platform wat aan boere insigte bied oor bestuursprosesse, besluitneming, volhoubaarheid en winsgewendheid – alles op een plek.
TOEPASSINGS
Die stelsel ontgin die werklike waarde van die data wat met presisiemetodes geskep word deur dit in ’n visuele, bruikbare formaat om te skakel, te verwerk en dan te interpreteer.
Sedert MyFarmWeb™ aan boere beskikbaar gestel is, is: Altesame 2 303 plase op hierdie stelsel gelaai; ’n Databasis van amper 60 000 grondchemiese kaarte, en NDVI-beelde geskep; en ’n Daaglikse, gemiddelde verbruikspatroon van 170 gebruikers gevestig. Danksy dié sukses en die groeiende behoefte van Suid-Afrikaanse boere, integreer maatskappye ook nuwe tegnologie, soos akkurate weerdata en hommeltuigvideo’s, met die platform.
As jy gereed is om die toekoms te verwelkom met môre se tegnologie, kontak Laeveld Agrochem.