VOOR­RAAD NÉT GE­NOEG VIR 41 DAE

Landbouweekblad - - Lbw | Nuus - — NICO VAN BURICK

WEENS die la­er as ver­wag­te ko­rin­gin­voer in Sep­tem­ber gaan Suid-A­fri­ka die nu­we be­mar­kings­jaar van 1 Ok­to­ber af bin­ne met net ge­noeg koring vir 41 dae se ver­bruik.

Dié 359 000 ton koring is min­der as die ge­wens­te oor­drag­voor­raad van ses we­ke se ver­bruik. Daar­by is die plaas­li­ke ko­ring­oes weens die droog­te ook laat.

In die laas­te week van die be­mar­kings­jaar wat op 29 Sep­tem­ber ge­ëin­dig het, is 24 074 ton koring van Roe­me­nië en die Oe­kra­ï­ne in­ge­voer wat die to­ta­le in­voer vir die be­mar­kings­jaar op 930 728 ton te staan ge­bring het.

Mnr. Lu­an van der Walt, e­ko­noom by Graan SA, sê die vraag is hoe­veel koring nog na Suid-A­fri­ka op pad is. “Daar is aan­vank­lik ge­raam dat 370 000 ton in Sep­tem­ber in­ge­voer sou word. Dit was toe ein­de­lik 130 000 ton. Daar kan nog heel­wat koring in en selfs No­vem­ber in­ge­voer word wat die voor­raad­vlak­ke sal laat styg. Daar­die in­voer sal dan net in die nu­we be­mar­kings­jaar se sy­fers wys.”

JONG­STE SKAT­TING

Mnr. Wan­di­le Sihlo­bo, e­ko­noom by die land­bou­sa­ke­ka­mer Ag­biz, sê 2016-’17 se in­voer was die laag­ste in tien jaar. Hy skryf dit toe aan ’n goeie plaas­li­ke oes ver­le­de jaar.

Vol­gens die Oes­skat­tings­ko­mi­tees e jong­ste skat­ting staan die plaas­li­ke oes op 1,7 mil­joen ton. Dit is ho­ër as die eer­ste skat­tings se 1,6 mil­joen ton – hoof­saak­lik van­weë op­waart­se aan­pas­sings vir die Vrystaat en die Noord-Kaap.

Mnr. Cor­né Louw, se­ni­or e­ko­noom van be­dryfs­diens­te by Graan SA, sê hoe­wel Graan SA werk in­ge­vol­ge die ko­mi­tee se amp­te­li­ke sy­fers, is daar tal­le Wes-Kaap­se boe­re wat glo hul oes­te gaan la­er wees.

Graan SA be­raam die op­brengs po­ten­si­aal in die Swart­land op so­wat 40% van die ge­mid­del­de met selfs min­der of geen oes in se­ke­re de­le nie.

NÓG LA­ER?

“In die Oos-Vrystaat lyk die koring goed, ver­al met re­ën wat nou val, maar die koring is nog baie jonk,” sê Louw.

Sihlo­bo meen ook dat die oesskatting in die ko­men­de maan­de verlaag kan word. “Selfs on­der die ver­wag­ting van ’n oes van 1,7 mil­joen ton, sal die in­voer steeds met on­ge­veer 77% tot 1,65 mil­joen ton in die be­mar­kings­jaar 2017-’18 moet toe­neem.”

Al is Suid-A­fri­ka ’n net­to in­voer­der, voer hy ook na buur­lan­de uit. Al­te­sa­me 92 800 ton is in die af­ge­lo­pe be­mar­kings­jaar uit­ge­voer.

Newspapers in Afrikaans

Newspapers from South Africa

© PressReader. All rights reserved.