MINDER VERKOPE ÉN KLEINER PRYSSTYGINGS

VERBRUIKERS het in die twaalf maande tot Junie vanjaar minder van sekere melkprodukte gekoop.

Mnr. Al wyn Kraam winkel, uitvoerende hoof van die Suid-Afrikaanse Melk prosesseerder s organisasie( S amp r o ), sê in die organisasie se jongste verslag oor markaanduiders nie net die vraag na dié suiwelprodukte het gedaal nie, maar ook na ander algemeen verbruikte voedselprodukte.

Dit sluit in kitsgraankosse, rys, margarien, tee en sappe met ’n kort raklewe.

Kraamwinkel skryf die afwaartse druk op verbruikersvraag aan swak ekonomiese groei en hoë vlakke van politiek een beleid sonsekerheid toe.

Tesame met die swakker verbruikersvraag het kleinhandelpryse ook stadiger gestyg. In die twaalf maande tot Junie het die kleinhandelpryse van vars melk en langlewemelk onderskeidelik met 4,8% en 0,3% gestyg. Meer onlangse syfers toon verder dat die kleinhandelprys van vars melk van Maart tot Junie vanjaar gedaal het.

INVOER

Wat langlewemelk betref, waarvan groot hoeveelhede vanjaar ingevoer is weens vrese vir ’n tekort in die winter, het kleinhandelverkope in die twaalf maande tot Junie gedaal, maar wel in die ses maande tot Junie gestyg.

Verkope was in dié ses maande 5,3% hoër as in die eerste halfjaar van verlede jaar.

In Junie alleen was die verkope van vars melk 6,2% laer as in Junie 2016, maar dié van langlewemelk 15,4% hoër.

Kraamwinkel sê invoer word beïnvloed deur internasionale pryse, die wisselkoers en verwagtinge oor plaaslike produksie van onverwerkte melk en suiwelprodukte in die onmiddellike toekoms.

Luidens die Melkprodusente organisasie( MP O) se September verslag oor markneigings het die hoër invoer en laer uitvoer van suiwelprodukte vanjaar (in melkekwivalent) tot netto invoer van 39 miljoen liter gelei.

Melkekwivalent is die geraamde hoeveelheid melk wat nodig is om produkte te vervaardig.

Daar word verwag dat 99 252 ton suiwelprodukte vanjaar ingevoer word teenoor 67 145 ton verlede jaar.

Dr. Koos Coetzee, MPO-ekonoom, skryf in die MPO-verslag plaaslike produksie was in die eerste agt maande van vanjaar slegs 1% hoër as in die ooreenstemmende tydperk verlede jaar.

Produksie het wel in Julie en Augustus opgetel. In Augustus was produksie 5,9% hoër as in die ooreenstemmende maand verlede jaar. Boere se gemiddelde prys vanjaar het op sowat R4,70/liter begin en tot sowat R5/liter in September gestyg. Verlede jaar het die prys op sowat R4,25/liter begin en was dit vanaf Augustus tot die einde van die jaar sowat R4,70/liter.