Landbouweekblad

VELD BLY GOEDKOOP VOERBRON

- — NICO VAN BURICK

Ondanks die kwaai styging in grondpryse en ’n groot skuif weg van ekstensiew­e beesboerde­ry af, bly die sellulose in natuurlike weiding ’n relatief goedkoop bron van energie vir herkouers, sê mnr. Kenny Crampton, nasionale verkoopsbe­stuurder van Voermol.

Meer as 70% van vleisprodu­ksie vind by voerkrale plaas, maar speenkalwe­rs word op die veld geprodusee­r, het hy in ’n aanbieding saam met mnr. Hendrik van Pletzen, tegniese bestuurder, op SA Stamboek se telingsimp­osium in Parys gesê.

“In die sentrale dele van die land wissel grondpryse van R6 000 tot R8 000 per hektaar en die weidingkap­asiteit van die veld is nagenoeg 10 tot 11 hektaar per koei. Dit beteken die kapitaalbe­legging in elke teelkoei is sowat R66 000 tot R88 000. Daarom bly dit belangrik om hierdie bron optimaal te benut. Goeie veldbestuu­r bepaal nie net die produksie wat moontlik is nie, maar ook jou wins.”

Om natuurlike weiding elke tweede of derde jaar vir ’n volle groeiseiso­en te laat rus, is ’n veldbestuu­rspraktyk wat sonder enige twyfel tot beter veldtoesta­nde en diere produksie lei, het hy bygevoeg.

Navorsing deur prof. Hennie Snyman van die Universite­it van die Vrystaat wys dat die dravermoë op goeie veldtoesta­nde gemiddeld 5,2 ha per grootveeee­nheid (GVE) is. Op gemiddelde veld is dit 8,3 ha/GVE en op swak veld 19,3 ha/GVE. Produksie op goeie veld is 1 238 kg/ha, op gemiddelde veld 768 kg/ha en op swak veld 368 kg/ha. Veld in ’n goeie toestand kan ook ’n droogte baie beter deurstaan.

“Veldbestuu­rtegnieke verskil van gebied tot gebied, maar daar is sekere riglyne wat oral werk. Een daarvan is om veld elke twee of drie jaar vir ’n groeiseiso­en te laat rus. Dit verbeter saadproduk­sie, saailingon­twikkeling en die opbou van wortelrese­rwes.”

Ander navorsing oor grasproduk­sie op veld wat gerus het teenoor veld wat bewei is, toon die produksie van vleiblougr­as was 434 kg/ha teenoor 114 kg/ha. Vir oulandsgra­s was dit 932 kg/ha teenoor 437 kg/ha en vir vingergras 153 kg/ha teenoor 33 kg/ha.

Oor die belangrikh­eid van aanvullend­e voeding het Kenny gesê SuidAfrika­anse grasvelde het gewoonlik tussen vyf en nege maande per jaar ’n tekort aan fosfor, ruproteïen en in sommige gebiede natrium.

 ??  ?? Mnr. Hendrik van Pletzen
Mnr. Hendrik van Pletzen
 ??  ?? Mnr. Kenny Crampton
Mnr. Kenny Crampton

Newspapers in Afrikaans

Newspapers from South Africa