METODES VAN KASTRASIE Burdizzo
■ Die bloedvate en die saadstringe word afgesny sonder dat die skrotum se vel gesny word.
■ Een saadstring moet op ’n slag gesny word. Dit is belangrik dat die twee saadstringe op verskillende vlakke gesny word (die een op ’n hoër vlak as die ander). Indien dit nie gedoen word nie, sal die bloedtoevoer na die skrotum onvoldoende wees en kan gangreen intree.
■ Dit is ’n bloedlose metode en lei selde tot infeksie.
■ Die uretra of urienbuis kan wel beskadig of afgesny word indien die metode nie reg toegepas word nie.
■ Die volgende kliniese tekens dui op ’n beskadigde uretra: Bloed in die urine; swelsel onder die maag rondom die peester; die buik swel op; die kalf kan nie urineer nie; erge pyn.