IN ’N BLIK
HOOP UIT HOOPSTAD. ’n Besending van 20 vragmotors van Labucon Vervoer, elk gelaai met 35 ton mielies, staan einde September gereed om droogtehulp vanuit Hoopstad te gaan aflaai in die Noord-, Oos- en Wes-Kaap. Met druktyd het mnr. Burre Burger van Vredendal se droogtehulpprojek reeds 387 vragmotors vol voer na behoeftige boeregemeenskappe uitgestuur, en hy beoog om vandeesweek 100 vragmotors in een besending uit Pretoria te stuur. Volgens mnr. Paul Labuscagne van Labucon het sy 20 vragmotors in dié hulpsending altesaam 57 000 km afgelê. Besoek sy webwerf, www.droogtehulp.co.za, om uit te vind hoe jy kan bydra.