MILJOENE NUWE GRONDEISE STRAKS OP PAD

Agt miljoen grondeise kan ingestel word wanneer die grondeiseproses heropen word, meen mnr. Justice Mnguni, ANC-LP.

Hy meen net sowat 2% van die nagenoeg 3,5 miljoen mense wat hul grondregte verloor het met die instelling van die Wet op Naturellegrond (Wet 27 van 1913) het aan die eerste ronde grondeise van 1994 tot 1998 deelgeneem. Aldus die burgerregte-organisasie The Surplus People’s Project is 7,5 miljoen mense van 1960 tot 1983 van hul grond gedwing.

Mnguni het vroeër vanjaar ’n private ledevoorstel rakende die wysigingswetsontwerp op die herstel van grondregte by die Parlement ingedien. Besprekings oor dié ledevoorstel het onlangs in die Parlement begin.

Mnguni se stap volg nadat dieGrondwethofop28Julie verlede jaar beslis het die wysigingswetsontwerp op die herstel van grondregte, wat grondeise in 2014 vir vyf jaar tot 30 Junie 2019 oopgestel het, is ongeldig. Volgens geouditeerde syfers van die Grondeisekommissie is daar teen 13 Julie verlede jaar altesaam 161 052 nuwe eise ingedien. Met die uitspraak is dié eise nié ongeldig verklaar nie.

In die eerste ronde grondeise is 80 000 eise ingedien.

“Groot ongeregtigheid staar onsindiegesigasonsniemet die heropening van grondeise voortgaan nie,” sê Mnguni.

Die komitee gaan nou uitgebreide openbare sittings reg oor Suid-Afrika hou om burgers die kans te gee om kommentaar op die voorgestelde wetgewing te lewer.

Besoek vir meer besonderhede oor Mnguni se voorstel.