2 HONGKONG | Inspeksies kort aandag

Die Hongkongse ombudsman sê dié stadstaat se doeane-inspekteurs is gans te haastig met hul inspeksies van vars produkte wat die grens per land en see oorsteek. Die ombudsman het bevind hoewel 80% van die ingevoerde vars produkte per see ingevoer word, is inspeksies slegs gedoen wanneer die departement van gesondheid vooraf waarskuwings van potensiële probleme ontvang het. Die ombudsman verwelkom ’n proeflopie van die owerhede om invoerders se pakskure te inspekteer en beveel aan dat amptenare duideliker instruksies kry oor hoe om toetsmonsters in te samel.