WAAROM IS DIE STELSEL BELANGRIK?
Die uiteindelike mikpunt van die departement en die veebedryf is ’n funksionele, nasionale stelsel vir die identifikasie en naspeurbaarheid van vee in Suid-Afrika. Dit word gedoen om die volgende redes: ■ Suid-Afrika is uiters weerloos teen die uitbreking van oorgrens- of hoëimpaksiektes omdat sy buurlande en die gesoneerde gebiede van Suid-Afrika weerloos is teen sulke siektes. ■ Die huidige siektes wat in die land voorkom, en die weerloosheid teen ernstige siektes, soos bek-en-klouseer, bemoeilik plaaslike handel en uitvoer. Dit het die potensiaal om tot verliese van miljarde rande in inkomste te lei.
■ Die beweging van diere kan slegs in beperkte mate beheer word. ■ Veediefstal bly ’n ernstige probleem. ■ Die bestuur en identifikasie van diere in die kommunale en kommersiële sektor is ’n probleem. ■ Dit is problematies om tussen verskillende bestuurspraktyke, soos groeibevorderaars, Karoolam en grasgevoer, te onderskei. ■ Rampbestuur van droogtes, vloede en siekte-uitbrekings speel ’n rol. ■ Onwettige invoer moet gekeer word. ■ Die oorkoepelende doelstelling van die beleid is om te verseker dat ’n internasionaal erkende LITS-stelsel in Suid-Afrika ingestel word wat volhoubare ekonomiese groei bevorder en werkgeleenthede in die veesektor skep.