LAER OPBRENGS, HOËRWINSMET HERLEWING
Dekgewasse, geenbewerking en die uitskakel van chemiese plaagbestryding kan jou mielieboerdery twee keer so winsgewend as voorheen maak. Só wys ’n studie wat in die Amerikaanse Midde-Weste gedoen is.
Me. Claire LaCanne, ’n landbouvoorligter in diens van die Universiteit van Minnesota, het verskeie mielieboerderye oor vier state in die noordelike helfte van dié streek vergelyk.
Sy het hulle in twee kategorieë verdeel: Dié wat herlewing spraktyke, soos dekgewasse en geenbewerking, beoefen en chemiese plaagbestryding verminder het; en konvensionele boerderye, wat nie dekgewasse verbou nie en lande vir ’n tydperk laat braak lê, wat lande bewerk en insekte chemies bekamp.
Sy definieer herlewings boerdery as een waarin twee basiese beginsels nagestreef word: Groter biodiversiteit en minder versteuring – met die einddoel om die ekostelsel só te laat funksioneer dat die maksimum produktiwiteit met die minimum produksiemiddele behaal word.
Claire het bevind plaagdruk in die herlewing stelsels was laer as in die konvensionele stelsels waar chemiese middels toegedien is. In die herlewingslande was tien keer minder plaagsoorte per vierkante meter as in die lande waarop chemiese middels gespuit was.
Die minder plae in die herlewingslande was in korrelasie met die algemeen gesonder gemeenskappe van ongewerweldes in en op die grond, asook hoër grondgesondheid-tellings. “Daar was ’n gunstige korrellasie tussen die mielielande se grondgesondheid en oorvloed en spesie-verskeidenheid onder ongewerweldes. Plantreste is ook meer geredelik in die herlewi ngstelsels afgebreek.”
Voorts was die herlewing stelsels se winste in dollarwaarde dubbel soveel as dié van die konvensionele stelsels. Toe die verskillende grondsoorte se organiese materiaal-inhoud (as persentasie) en massadigtheid (in g/cm³) vergelyk is – albei is maatstawwe van grondgesondheid – het die statistieke duidelik gewys dat grond met meer organiese materiaal en ’n ligter massadigtheid meer geld vir die boer gemaak het.
Uiteindelik was die herlewings boerderye se opbrengste wél in die algemeen effens laer as die konvensionele boerderye s’n, maar hulle was twee keer so winsgewend.
Die groot winsdryfkragte in die herlewings boerderye was laer saadkoste (danksy onbehandelde saad) en bemestingkoste (sien die GRAFIKA ). — MARLEEN SMITH