Wat eet ons vanaand?
Slaai hoef nie vervelig of smaakloos te wees nie. Ons gee ’n paar idees vir somerslaai wat as hoofgereg voorgesit kan word of as bykos geniet kan word.
’n oondbak en bedruip met olyfolie. Geur met sout, peper en komyn en oondrooster vir 15 minute. Skud die bak nou en dan om te voorkom dat die botterskorsie in die bak vassit. Voeg die keker-ertjies by en oondrooster verder tot die botterskorsie gekaramelliseer en gaar is. Haal uit die oond, voeg die koeskoes by en meng die koeskoes, botterskorsie en kekerertjies in die komyn-gegeurde olie. Laat afkoel. Voeg die aspersies, groen-ertjies en olywe by en meng liggies. Bedek en verkoel tot nodig. Vir die slaaisous: Klits al die bestanddele goed saam, giet in ’n glasfles, verseël en verkoel tot benodig. Hou die slaai en slaaisous in die yskas, maar sit dit teen kamertemperatuur voor. Lewer 6 porsies.
Koolslaai met peperwortel-suurroomsous en pekanneut-sesamkrummel
Dié slaai is my eerste keuse om saam met seekos of oondgeroosterde hoender te bedien. Die neutekrummel bo-oor gee die perfek- te geur- en tekstuurkombinasie.
Koolslaai
125 ml suurroom 60 ml natuurlike jogurt 30 ml vars suurlemoensap 15 ml peperwortelsous (horseradish cream) Sout en swartpeper na smaak 4 x 250 ml fyngekerfde blaarkool 3 wortels, gerasper
Pekanneut-sesamkrummel
10 ml olyfolie 310 ml gekapte pekanneute 125 ml sesamsaad 100 ml sonneblomsaad 100 ml pampoenpitte 30 ml lynsaad Sout en vars gemaalde swartpeper
Meng die suurroom, jogurt, suurlemoensap en peperwortelsous. Geur na smaak met sout en peper en giet oor die gekerfde kool en wortel. Meng goed deur, bedek en verkoel tot nodig. Dié slaai kan tot sewe dae in die yskas gehou word. Vir die krummel: Verhit die olie en braai die neute en sade stadig oor matige hitte in ’n swaarboompan tot goudbruin. Geur liggies met sout en peper. Laat afkoel en sprinkel oor die koolslaai net voor jy dit voorsit. Lewer 8-10 porsies.
Tamatie-en-botterboonslaai met gremolata-vinaigrette
Die ryp tamaties, pietersielie en suurlemoen saam is heerlik. Botterbone en olyfolie gee rykheid en maak die slaai lekker vullend.
1 kg kersietamaties, gehalveer 1 blik (410 g) botterbone, gedreineer 1 groot, rooi ui, in dun ringe gesny Sap en fyngerasperde skil van 1 groot suurlemoen Knippie suiker 45 ml olyfolie Sout en vars gemaalde swartpeper 60 ml fyngekapte, vars pietersielie
Meng die tamaties, botterbone en rooi ui in ’n slaaibak. Meng die suurlemoensap en -skil, ’n knippie suiker en die olyfolie. Geur na smaak met sout en peper. Giet oor die slaai in die bak en sprinkel die pietersielie oor. Meng alles deur. Bedek en verkoel vir minstens 30 minute voor jy dit voorsit. Lewer 6 porsies.
Verhit ’n groot pot met ligte soutwater tot dit vinnig kook. Sit die bone daarin en kook vir 2-3 minute tot net-net gaar, maar nog bros. Terwyl die bone kook, klits die suurlemoensap, gemmer, olie, grenadellapulp en asyn saam. Geur na smaak met sout en peper en giet dit in ’n slaaibak. Dreineer die bone goed en sit die warm bone in die