Digitale eenstopdiens
Verskeie faktore beïnvloed die landbou, soos die klimaat, toegang tot finansiële ondersteuning, en vraag en aanbod. Boere moet dus deurentyd aanpassings maak om te kan oorleef. UNIGRO Finansiële Dienste is geposisioneer om boere in alle omstandighede by t
UNIGRO Finansiële Dienste, ’n filiaal van AFGRI Landboudienste, bied vindingryke finansiële oplossings aan boere in toenemend moeilike omstandighede. Dít kan baie vir boere beteken in die lig van veranderende weerpatrone en verskeie droogtegeteisterde gebiede in Suid Afrika.
“In 2013 het UNIGRO Finansiële Dienste die behoefte geidentifiseer om sy kliëntediens te verbeter deur elektroniese prosesse te optimaliseer,” sê mnr. Johann Barnard, hoofbedryfsbeampte van UNIGRO Finansiële Dienste.
“Die projek, met die samewerking van die maatskappy Synthesis, het in Februarie 2014 tot stand gekom en die eerste, basiese elektroniese platform is in Maart 2015 aan kliënte bekend gestel.”
INLIGTING AANLYN
Die platform het intussen tot ’n kragtige, dinamiese digitale kanaal ontwikkel wat kliënte bemagtig om hul ondernemings, finansies en beplanning op een veilige en gebruikersvriendelike platform te bestuur.
Die platform, eAccounts, word deurgaans ontwikkel om bykomende landbouverwante funksies te bied wat kliënte bemagtig om aspekte, soos boerderyadministrasie en hul plaasbedrywighede, beter te bestuur.
Die funksionaliteit sluit UNIGRO Finansiële Dienste, AFGRI Graanbestuur, GroCapital Forex/Safex en, binnekort, UNIGRO Versekeringsdienste in, sê Johann.
Die eAccounts-platform help kliënte om rekeningbalanse en kort-, medium- en langtermynrekeninge te bestuur. Die stelsel is ontwikkel met ’n boerderybesigheid in gedagte sodat boere – of hul plaasbestuurders of werknemers namens hulle – doeltreffender kan handel dryf.
Mnr. Ross Simmonds, besturende direkteur van UNIGRO Finansiële Dienste, sê hierdie inisiatief is in ooreenstemming met die visie om stelsels te ontwikkel wat kliënte se vennootskap met AFGRI verbeter. Dit vergemaklik die transaksieproses, is gebruikersvriendelik en bied toegang tot verskeie dienste uit die AFGRI-stal.
Hoewel die stelsel oorspronklik op lenings toegespits was, kan AFGRI Landboudienste ’n veel wyer produklewering bied en waarde toevoeg.
Die aanbieding is uitgebrei en sluit ’n verdere diens met betrekking tot graanopberging in. Graanvlakke, -opbergingsopsies en -hoeveelhede kan gemonitor word.
WEERSTASIE
Reënval kan gemeet en op die eAccounts-platform aangeteken word. Dié funksie bied ’n groot voordeel aan kliënte omdat hulle nou reënvalsyfers kan aanteken en seisoenale reënvalmetings kan monitor. Vir vergelykings is statistieke dus nou geredeliker beskikbaar.
Danksy die unieke funksionaliteit kan verskeie plase en reënmeters se metings ingevoer en gemonitor word. Sodra die inligting ingevoer is, skep die stelsel gedetailleerde grafieke wat die reënval vir elke plaas aandui.
RISIKOBESTUUR
AFGRI besef boere wil graag hul risiko’s op dié e-platform bestuur. UNIGRO Finansiële Dienste ontwikkel gevolglik nou ’n stelsel wat met eAccounts skakel en waar kliënte: Verskeringspolisse kan besigtig; Kredietaansoeke kan indien; Dekkingsinligting kan bekom; Eise kan deurstuur; en Versoeke kan rig vir wysigings aan hul bestaande UNIGROpolisdokumente.
BANK VAN ATHENE
UNIGRO Finansiële Dienste beskou die beoogde oorname van die Bank van Athene deur AFGRI as ’n kans om eAccounts verder te ontwikkel.
Sodra die bank se stelsel aanlyn beskikbaar is, sal eAccounts daarmee integreer en ’n nuwe reeks produkte bekend stel. Die aanbiedings sal meer as net lenings insluit. Verskeie produkte en dienste sal beskikbaar wees, waaronder beleggings, graan- en ander gewasbeskerming, en welvaartbestuur.
AFGRI eAccounts het 1 200 aktiewe gebruikers met meer as 69 000 aanmeldings op die stelsel sedert die bekendstelling in 2014. Die stelsel het al R6,5 miljard se transaksies verwerk.
“Ons probeer om die meeste aspekte van ons besigheid te digitaliseer sodat kliënte enige tyd, enige plek tot dienste toegang het. Ons wil dit graag gerieflik maak vir kliënte,” sê Ross.