KORTOM

■ Dekgewasproewe is as deel van Graan SA se bewaringslandbouprogram drie jaar gelede die eerste keer op mnr. Izak Dreyer se plaas by Vrede geplant. ■ Dit was so ’n groot sukses dat hy dié aanplantings in die daaropvolgende twee jaar uitgebrei het tot 15% van sy totale aanplantings die afgelope seisoen. ■ Hy het vanjaar reeds weer dekgewasse begin plant, en beoog om voortaan aansienlik meer hektare daarvan as ’n integrale deel van sy kontantgewassaaiery te verbou. ■ Sy vleiswins uit dekgewasse wat hy laat bewei het, was die afgelope produksiejaar R4 300/ha.