Gesoek: Versekeraars wat krisisse verstaan
Droogtes het die landbousektor se finansiële fiksheid tot die uiterste beproef. In die suide van Suid-Afrika duur dié situasie voort, terwyl die binneland die afgelope jaar begin herstel het.
Suid-Afrika is die afgelope jare getref deur intense klimaatstoestande, onder meer een van die ergste droogtes in 100 jaar. Die hersteltydperk ná hierdie uiterste natuurverskynsels vind egter teen ’n vinnige tempo plaas.
“Min mense sou kon voorspel dat Suid-Afrika vanjaar sy grootste graanoes ooit sou insamel,” sê mnr. Reinhard Kuschke, besturende direkteur van AgriSeker. “Omdat hierdie toestande alle boerdery-ondernemings raak, het AgriSeker elke benoude tree saam met boere gestap. Ons besef die kontantvloeidruk en ander invloede op welvaart gaan nie oornag verdwyn nie. Daarom het ons saam met Land Bank Versekeringsmaatskappy (Lbic), ons onderskrywer, strategieë in werking gestel wat tot voordeel van produsente is.”
VERSEKERING
AgriSeker het sy produkte aange- pas sodat dit by boere se kontantvloeikurwes aangepas kan word. Die maatskappy het ’n unieke produk geskep waarmee die boer self die betaalvoorwaardes van die oesversekeringspolis kan beding om sy kontantvloei te pas.
“Omdat ons daagliks eise kan uitbetaal, maak ons dit vir boere moontlik om dadelik met hul werk voort te gaan nadat hulle skade gely het en die omvang daarvan bepaal is,” sê Reinhard.
Hy sê Lbic het dié fasiliteite goedgekeur omdat Lbic land- bouers onwrikbaar ondersteun.
Die betaalvermoë word verder gerugsteun deur ’n herversekeringspaneel van hoogstaande internasionale gradering. Danksy AgriSeker se buigsaamheid en finansiële stabiliteit kan die maatskappy oesversekeringseise vinnig en akkuraat afhandel, sê Reinhard. Dus bied AgriSeker vertroue en finansiële risikobestuurswaarde aan die landbouer.
WIND EN WEER
Die maatskappy bied egter meer as net versekering aan boere.
“Ons het ’n paar jaar gelede ’n strategiese besluit geneem om die boer met inligting te voorsien wat met sy risikobestuur en -beplanning kan help”.
Deur middel van Cumulus, ’n weeklikse nuusbrief, gee AgriSeker inligting oor die onmiddellike klimaat- en weerstoestande aan sy kliënte. Dr. Johan Malherbe, ’n senior navorser by die WNNR en een van die bes gekwalifiseerde landbouweerkundiges in Suid-Afrika, doen weekliks verslag oor wat in die somermaande gebeur het, en verduidelik wat boere kan verwag wat die weer betref.
AgriSeker lewer ook ’n vernuwende moniteringsdiens waarmee die jongste satellietinligting verwerk word. Dié data voeg waarde tot die nuusbrief toe en stel inligting aan die boer beskikbaar waarmee hy sy risikobestuursprogram kan uitvoer.
HELPENDE HAND
’n Uitgebreide streekbestuursnetwerk ondersteun AgriSeker se kundigheid.
“AgriSeker se 12 satellietkantore bedien die hele Suid-Afrika met die beste tegnologie om kliënte van kundige advies te voorsien. Ons is trots daarop dat alle tussengangers en versekeringsagente jaarliks opgelei en geakkrediteer word om te verseker dat die beste en mees toepaslike advies die boer toeval,” sê Reinhard.
AgriSeker het tegniese en takseringskundigheid. Alle assessors word jaarliks geakkrediteer. Derhalwe word slegs die beste kundigheid aangewend om verliese vinnig en akkuraat te bepaal sodat eise spoedig afgehandel kan word.
“Ons voeg waarde toe tot boerderye met die mees toepaslike werkwyse, kundige produktoepassing en advies binne die konteks van ons statutêre verpligting. Ons verbintenis met die Land Bank (wat vyf jaar agtereenvolgens ’n skoon en ongekwalifiseerde oudit van die Ouditeur-generaal gekry het) voeg verder waarde toe tot ons diens,” sê Reinhard.