STEYNSBURG / BONSMARA / R105 000

Die Bonsmarabul KVB13983 (op die foto) is teen ’n puik prys van R105 000 op die produksieveiling van mnr. Dirk Spaargaren op sy plaas Kingslynn, Steynsburg, verkoop. Die koper was die JHH Bekker en Seun-trust van Van Stadensrus. Bulle het gemiddeld R46 933 stuk op die veiling behaal, koeie gemiddeld R17 250 stuk, dragtige verse gemiddeld R15 200 stuk en nie-dragtige verse gemiddeld R10 433 stuk. CMW het die veiling aangebied en die afslaer was mnr. André van Zyl.