4 Dié week in die landbou
BRANDSTOFPRYS BYT
Ekonome by die landbou-sakekamer Agbiz raam dat brandstofpryse in Desember wéér kan styg — petrol met 5% en diesel met 3% — hoofsaaklik weens die hoër prys van Brent-ruolie en die swakker rand. “Die prysstyging sal druk op boere verhoog aangesien dit saamval met die planttyd, veral in die westelike somersaaigebiede waar die optimale planttyd vir grane en oliesade eers vroeg in Januarie 2018 afsluit,” lui ’n Agbiz-verklaring. Daar word verwag dat die petrolprys met 74c/liter kan styg en die dieselprys
HOOP VIR KOUGA
Skaars ’n week nadat mnr. Pierre Joubert, hoofbestuurder van die Gamtoos-besproeiingsraad, die hoop uitgespreek het dat die internasionale weerstasie YR se voorspelling van tot 80 mm reën in die Kougadam se opvanggebied korrek was, is daar teen druktyd tot 75 mm reën in dié streek gemeet. Volgens die Weerburo is tot 60 mm in Port Elizabeth gemeet en tot 40 mm by Joubertina, Kareedouw en Patensie. By Oos-Londen is 38 mm gemeet, by Cradock 7 mm, by GraaffReinet 10,6 mm, by Mosselbaai 40,8 mm en by Port Alfred 60,6 mm. Joubert sê hoewel dit eers later vandeesweek duidelik sal wees in welke mate die Kouga-damvlakke by die reën baat gevind het, sal boere in die Gamtoosvallei minstens die volgende twee weke nie hoef te besproei nie, wat sal help dat die damvlak styg.
MEER NAM-DRUIWE
Namibië se produksievermoë vir tafeldruiwe is onlangs met 540 ha uitgebrei danksy Capespan Namibië en die Namibia Grape Company se nuwe pypleiding by Aussenkehr. Die pyplyn is 6 km lank en 800 mm in deursnee. Die Aussenkehrvallei lewer 7 miljoen kartonhours tafeldruiwe per jaar. Mnr. Kobus Bothma, direkteur van Capespan Namibia, sê die maatskappy het die afgelope drie jaar ook nuwe koelkamergeriewe en pakstelsels gebou, asook 14 nuwe kultivars aangeplant, onder meer die reeks IFG-, SNFL- en Arra-kultivars. Capespan evalueer ook ’n bykomende 60 nuwe kultivars.
NÓG VERNEUKERY
Die omstrede Vrede-melkplaas in die Vrystaat is nie net gebruik om miljoene rande se belastinggeld na onder meer die Gupta-familie te kanaliseer nie. Dit het verlede week aan die lig gekom dat daar ook staatsamptenare op dié projek se lys van begunstigdes is. Netwerk24 berig oor dié verwikkeling ná ’n vergadering van die Vrystaatse departement van landbou en die provinsie se komitee vir openbare reke-
100 NIE UIT NIE
Mnr. April Jooste (onder, links), ’n 100-jarige boorling van die Sederberge in die Wes-Kaap, het onlangs ’n eerbewys van mnr. Alan Winde (regs), Wes-Kaapse minister van ekonomiese geleenthede, ontvang vir sy bydrae tot voedselsekerheid in dié streek. Hy kweek die afgelope 82 jaar sy eie groente — vandat hy 18 geword en die verantwoordelikheid vir sy ouers se groentetuin oorgeneem het. “Tuinmaak is in my bloed. Ek wou reeds van ’n jong ouderdom my eie tuin hê,” sê hy. “Tuinmaak is soos om ’n kind groot te maak. Die plante moet van jongs af gevoed en versorg word sodat hulle groot en gesond kan word.”