Rhodes gaan van krag tot krag
AANDEELHOUERS in die Rhodes-groep gaan ’n dividend van 31,1 sent per aandeel kry ná die maatskappy se goeie finansiële resultate ondanks die impak vandiedroogteen’nsterkerrand.
Die groep se omset het met 10,8% gestyg tot R4,6 miljard. Die omset uit bedrywighede in Afrika suid van die Sahara het met 21,4% gestyg, maar dié uit sy internasionale afdeling was weens die sterker rand 18,1% laer as in die vorige boekjaar.
Die verkope van vars kos het met 30,1% gegroei en die groei in die verkope van pasteie en ander voorbereide kos het voortgeduur.
Die omset uit langleweprodukte het met 15,9% gestyg.
In Afrika suid van die Sahara (Suid-Afrika uitgesluit) het verkope met 46,8% gestyg danksy ’n robuuste vraag na blikkiesvleis en vrugtesap.
VRUGTE
Die maatskappy sê in ’n aankondiging op die JSE-nuusdiens hoewel die vooruitsigte vir blikkiesvrugte
op die internasionale mark gunstig is, gaan die voortslepende droogte in die Wes-Kaap na verwagting ’n nadelige invloed hê. Vrugte van ‘n swakker gehalte is moontlik, wat sal lei tot laer opbrengste en hoër arbeidskoste.
“Die mark vir grootmaatvrugteprodukte (vrugtepulp en sapkonsentraat) bly swak en die prys van vars vrugte sal na verwagting daal.