SLAAN VOËLGRIEP HOK
Voëlgriep het die pluimveebedryf in ’n wurggreep en miljoene rande se skade is deur die virus aangerig. Wêreldwyd is geen teenmiddel vir die virus beskikbaar nie. Al word die virus op ’n plaas hokgeslaan, kan dit steeds deur wilde voëls versprei word.
Eagle Eye Bird Control (EEBC) het egter ’n praktiese oplossing om soveel moontlik kontak tussen wilde voëls en pluimvee te verhinder.
EEBC beywer homself om die omgewing rondom die hoenderhuise so ver as moontlik skoon te hou van wilde voëls én hul mis, waarin die voëlgriepvirus ook oorgedra kan word. EEBC begin gewoonlik met ’n ondersoek na die konstruksie van die hoenderhuise. Enige openinge aan die buitekant van hoenderhokke word dan dig toegemaak. EEBC wil onder meer keer dat wilde voëls toegang kry by inkomplekke rondom die hoenderhuise.
Daar is twee opsies. Die eerste opsie behels die installasie van reflekterende produkte bo-op die hoenderhuise. Dié produkte reflekteer die sonlig op só ’n manier dat dit baie irriterend vir die voëls is, terwyl dit ook die korrekte kleurspektrum reflekteer wat wilde voëls met gevaar assosieer. Die eenhede bo-op die dakke vorm dan ’n laag flitse bo-oor die hoenderhuise wat veroorsaak dat die voëls hul vlugroete verander om die flitse te vermy.
Die tweede opsie is om voëlnette te installeer. Dit werk veral vir hoenderhuise wat nie dig geseël kan word nie of vir plase met vrylopende hoenders. Die huise word toegespan met die nette om te keer dat die wilde voëls in kontak met die hoenders kom.
Al die produkte is te kry met ’n volledige stel installasie-instruksies en is só verpak dat kontrakteurs nie na die plaas hoef te gaan om die installasies te doen nie. Die doel daarvan is om die fitosanitêre integriteit van die hoenderhokke te beskerm. Prys: Op aanvraag. NAVRAE: EEBC, e-pos: info@eagleeye.co.za, sel 087 237 9600.