TARKASTAD-BOER NIÉ SKULDIG AAN VEEDIEFSTAL
MNR. Noppe van Heerden van die plaas Erfdeel in die distrik Tarkastad se skuldigbevinding en vonnisoplegging op klagte van veediefstal is in die Hooggeregshof in Grahamstad tersyde gestel.
Landbouweekblad het vroeer berig Van Heerden is op 12 September 2014 in die streekhof skuldig bevind op aanklag dat hy in 2010 en 2011 Boerbokke van R874 000 van mnr. Charl Kruger van Banghoek gesteel het.
Die Hooggeregshof in Grahamstad het sy skuldigbevinding en vonnis van tien jaar tronkstraf tersyde gestel. Die hof het bevind dat die skuldigbevinding onreëlmatig was aangesien die getuienis van die getuies weersprekend was en die feit dat Noppe se weergawe oor die gebeure redelik moontlik waar was. Die hof het ook melding gemaak daarvan dat die staat en die ver dediging saamgestem het dat die staatsgetuies elkeen twee verklarings afgelê het en dat slegs een van die verklarings geliasseer is.
Die ondersoekbeampte het in die streekhof erken daar is twee verklarings van die getuies afgeneem omdat hulle mekaar weerspreek het.
BROER
Van Heerden se broer, Altus, wat in ’n ander saak ook van veediefstal aangekla is, se saak is kragtens artikel 174 van die Strafproseswet teruggetrek aangesien die staat nie genoeg getuienis voor die hof kon plaas om die beweerde misdrywe te bewys nie. Die landdros het bevind dat daar nooit ’n prima faciesaak vir veediefstal teen Altus was nie.
Greyvensteinsprokureurs, die Van Heerdenbroers se regsverteenwoordigers, is besig om ’n regsaksie in te stel teen die Minister van Polisie, die direkteur van openbare vervolging en die Minister van Justisie weens beweerde “kwaadwillige vervolging”.