VOEDING ÉN STIMULANT VIR PLANTE

VEELDOELIG X-Press Functional (reg.nr. B3761, Wet 36 van 1947) is ’n nuwe multidimensionele blaarvoeding en biostimulant van die maatskappy MBFI. Dit bevat stikstof (N), swael (S), sink (Zn), mangaan (Mn), boor (B) en molibdeen (Mo) met biostimulante.

Die produk is spesifiek geformuleer met die oog op die interverwantskappe tussen die onderskeie elemente. Daar is byvoorbeeld ’n noue wisselwerking tussen stikstof en swael, wat ’n rol speel in die vorming van fotosintese-produkte, soos suikers, oftewel energie in die plant.

Sink is belangrik om die energie oor te dra. Boor speel ook ’n rol in die oordrag van suikers, nie net na die wortels van die plant in die vegetatiewe stadiums nie, maar ook na die vrugte in die reproduktiewe stadiums.

Die ensiem wat nitrate afbreek sodat plante dit kan benut, het molibdeen nodig, maar sink is nodig vir die vervaardiging van dié ensiem. Sink en boor is ook belangrik vir die vorming van blomme en vrugte: Boor help vinnige selwandvorming vir stuifmeeldrade aan, en sink verbeter bestuiwing en dus vrugvorming, terwyl swael die vruggehalte verbeter.

X-Press Functional is beskikbaar in houers van 5 liter en 20 liter. Prys: Op aanvraag. www.mbfi.co.za, orders@mbfi.co.za, 082 738 0080.

R32 490 Prys op aanvraag