Monsanto saai saad van sukses
Danksy verskeie ontwikkelingsprogramme en die Buhle-akademie kan Monsanto aspirantboere oplei om volhoubare, winsgewende boerderye te bedryf.
Imbewu (saad in Zoeloe) is die naam vir Monsanto SA se talle opheffings- en bemagtiging s projekte. Die Imbewu-projekte is in drie groepe verdeel– vaardigheidsontwikkeling, ondernemings-en-produsente-ontwikkeling, en sosiaal-ekonomiese ontwikkeling.
Onder vaardigheidsontwikkeling val beurse, internskap p een leerlingskap programme. Buhle Farmer’s Academy (BFA), Graan SA se “Subsistence to Abundance”-projek en Mobile Agri Skills Development & Training (MASDT) val onder Imbewu se ondernemings-en-produsent e ontwikkelings groepering.
Die vennootskap tussen Monsanto en die Buhle-akademie het in 2000 ontstaan. Monsanto het die aanvangskapitaal vir die akademie geskenk.
Buhle lei nuwe en aspirantboere van oor die hele land op om volhoubare, winsgewende boerderye te bedryf. Studente word opgelei in tegniese, produksie-, bestuurs-, finansiële en bemarking s vaardighede.
“Monsanto se bydrae tot Buhle het dit vir mense wat voorheen honger gely het, moontlik gemaak om genoeg kos aan hul families te voorsien; mense wat min of geen wins uit hul boerderye gemaak het nie, is verander in mense wat genoeg wins maak, en bestaansboerdery eis omskep in semi-kommersiële boerderye,” sê mnr. Niel de Smidt, hoof- uitvoerende beampte van Buhle.
Monsanto was ook van die begin af betrokke by Graan SA se “Subsistence to Abundance”projek. Me. Jane McPherson van Graan SA bestuur dié projek. Die vennote is Monsanto, Kynoch, Die Sasol Trust, SA Kalk en Gips, Syngenta en die Departement van Finansies deur middel van The Jobs Fund-projek.
“Subsistence to Abundance kan lewens verander. Dit is vir ons wonderlik om ook deur middel van ons bydrae ’n verskil in die lewe van hierdie boere te kan maak,” sê mnr. Kobus Steenekamp, besturende direkteur van Monsanto SA.
Monsanto bestuur ook sy eie projekte in Imbewu se ondernemings-en-produsente-ontwikkelingsgroepering. Hy skenk werktuie wat nie meer deur Monsanto gebruik word nie, aan ontwikkelende boere en nuwe toetreders.
KLEIN BESIGHEDE
Die saadprodusenteprogram is gemik op nuwe boere en probeer om lewensvatbare en volhoubare saadprodusentebesighede op die been te bring. Dan is daar ook die saadherverpakkingsprogram. Voorheen agtergeblewe boere kry die geleentheid om winsgewende, klein saadverpakkingsbesighede te begin en deel van die Monsantowaardeketting te word.
Die sosiaal-ekonomiese ontwikkelingsprojekte is verskeie projekte wat daarop gemik is om gemeenskappe te ondersteun. Die klem val op opvoeding en bewusmaking, voedselsekerheid en voedingsleer, veiligheid en menseregte.
Monsanto se vrouedae is bederfdae vir die boere se vroue om dankie te sê vir hul volgehoue ondersteuning aan die boere. Die dag is ook geoormerk vir spesiale vrouedaggemeenskapsprojekte waaraan die vroue graag deelneem.
Die maatskappy se menseregteprogramme lê klem op toegang tot water en beter lewensomstandighede. Personeel is op eie stoom betrokke by sopkombuise en ander projekte, maar jaarliks word hande gevat op Mandeladag vir ’n groot projek.
DOELWITTE
Die Imbewu-model is geskoei op drie deurlopende temas wat by die Monsanto-doelstelling aansluiting vind. Die eerste is om gemeenskappe te bemagtig met ’n gevoel van eiewaarde, sodat hulle self besluite oor hul toekoms kan neem.
Die tweede is om by te dra tot volhoubaarheid en die afhanklikheid van skenkersfinansiering te ontmoedig.
Laastens is dit om mense te ontwikkel wat as rolmodelle en voorbeelde in hul gemeenskappe sal uitstaan – mense wat ander mense kan bemoedig en inspireer om dieselfde te bereik.
“Monsanto se werknemers is geesdriftig oor hul werk. Jong mense doen aansoek om internskappe by ons maatskappy te doen omdat hul wil deel wees van ’n span wat ’n verskil in ander mense se lewe maak. Geen geld in die wêreld kan die genot koop wat ’n mens ervaar wanneer jy hoor hoe sommige begunstigdes se lewe daadwerklik verander het as gevolg van projekte waarby ons betrokke is nie. Dit is van onskatbare waarde,” sê Steenekamp.
‘Ons saai die saad van groei – van suksesvolle sakeleiers. En ons saai potensiaal in mense – die potensiaal om te verbeter en meer te bereik.’ – Parusha Pillay (BGSEB-en-transformasie-bestuurder by Monsanto SA)