VOERMOL BOVELDERLEK HAAL DIE BYT UIT STRAWWE WINTERS IN SUURVELDGEBIEDE
Hendrik van Pletzen, Tegniese Bestuurder, Tel. 083 456 3636
Die voedingswaarde van suurveld daal geweldig baie in die winter en tekorte aan proteïne, minerale en spoorminerale kom algemeen voor. Een van die grootste uitdagings in suurveldgebiede met baie strawwe winters is om beeste koste doeltreffend te oorwinter met die minimum gewigsverliese, en om goeie speen persentasies te verseker. Voer mol Bovelderlek (V19218) is spesiaal geformuleer om deur middel van beheerde inname, voedingstekorte in wintersuurveld aan te vul.
VOORDELE EN GEBRUIKE VAN BOVELDERLEK
Voermol Bovelderlek is 'n klaargemengde onderhoudslek vir beeste in suurveldgebiede met strawwe winters. Spesiaal geformuleer vir gebiede waar vrywillige innames van gewone winter onderhoud s lekke te hoog is. Bevat voldoende hoeveelhede natuurlike proteïen en fosfor om beeste koste-effektief mee te oorwinter. Is 'n volledig gebalanseerde lek wat die mikrobes in die grootpens stimuleer en inname en vertering van droë winterweiding aanhelp. Verskaf spoorelemente wat noodsaaklik is vir optimum eetlus en vrugbaarheid. Help om droë galsiekte te voorkom aangesien melasse matig lakserend is.
VOEDINGS INSTRUKSIES
Begin betyds. In suurveldgebiede daal die voedingswaarde van veld reeds in die herfsmaande en die intreedatum vir ryp is ongeveer die helfte van April. Begin dan reeds oorskakel van 'n oorgangslek na die Bovelderlek. Voermol Bovelderlek kan ongemeng as 'n onderhoudslek gevoer word en die aanbevole inname is 400 – 650 g/bees/dag. Die inname van die lek sal beïnvloed word deur die kwaliteit van weiding en die produksiestatus van die dier. Bovelderlek kan ook met graan gemeng word om verskillende produksielekke te gee( raadpleeg die Voer mol Produk handleiding vir meng instruksies ).