Landbouweekblad nou op TV!

Beleef boere soos nog nooit vantevore nie! VIA en Landbouweekblad snoer vanjaar kragte saam met ’n nuwe TV-program, Landbouweekliks, waarvan die derde episode op Dinsdag 23 Januarie te sien is. Die program vertel buitengewone stories van merkwaardige boer

Kom reis saam met Landbouweekblad, Suid-Afrika se grootste en invloedrykste landboutydskrif, na van die land se beste boere. Dié boere bepaal die agenda en dink nuut. Só los hulle ook van Suid-Afrika se grootste probleme op. Hulle is groot boere, kleinboere, mans én vroue, wit, swart en bruin. En dan is daar natuurlik ook die groot masjinerie, pragtige diere en indrukwekkende boorde en landerye!

VIA se nuwe program, Landbouweekliks, werp nie net lig op die tegniese aspekte van die landbou nie, maar ook op die boere se visie en lewenspad. Kenners gee ook elke week raad en inligting oor spesifieke onderwerpe. Landbouweekblad se redakteur en ’n paar joernaliste is ook te sien.

Nuwe episodes van Landbouweekliks word elke Dinsdagaand om 19:30 eksklusief op die Afrikaanse leefstylkanaal VIA (DStvkanaal 147) uitgesaai. Die reeks bestaan uit 26 episodes van ’n halfuur elk en heruitsendings is op Sondae om 17:30.

Die radio-en-TV-persoonlikheid Ivor Price het vir die reeks na plase oor die hele SuidAfrika gereis. Hy het besonderse boere met hope geesdrif vir die landboubedryf ontmoet, asook die span mense wat saamwerk om die boerdery vorentoe te neem.

‘DOEN MEER MET MINDER’

“Boere is van die beste bestuurders in die Suid-Afrikaanse ekonomie,” sê Chris Burgess, redakteur van Landbouweekblad.

“Nie net moet hulle talle veranderlikes, soos die weer en die wisselkoers, suksesvol bestuur nie, maar hulle moet ook met vernuwende oplossings vorendag kom vir byna onoorkomelike probleme.

“Een daarvan is dat hul insetkoste gewoonlik vinniger styg as die prys van die produkte wat hulle lewer. Hulle moet nuut dink, nie net met hul masjinerie nie, maar ook oor hul metodes, om meer met minder te kan doen.

“Die resultaat is besonderse mense met ’n besonderse perspektief op die lewe wat gewone kykers sal verras en verstom.

“Beleef boere soos jy hulle nog nooit vantevore beleef het nie.”

NOG INLIGTING

■ Volg Landbouweekliks en Landbouweekblad op Facebook en @landbouweekliks en @landbou op Twitter. ■ Volg gerus ook VIA TV op Facebook en @viatv op Instagram om op die hoogte te bly. ■ Besoek Landbou.com vir nog inligting.

LINKS: Die MD Foundation is voluit by die omliggende gemeenskap betrokke, onder meer deur middel van ’n crèche, skool, nasorgdiens, kostuine en ’n hospies. LINKS ONDER: Mnr. Hannes Pretorius (links), medebestuurder van MD Dairy, en Ivor Price,...