WAT IS JOU GROOTSTE STRUIKELBLOKKE?
Om voorsiening te maak vir die droogte en steeds melk van topgehalte te lewer.
word. Teen die linkerkantse reling is klein voerbakke sodat die koeie effens skuins staan terwyl hulle kragvoer vreet, met hul uiers nader aan die linkerkant sodat die klosse van die melkmasjien maklik gekoppel kan word.
Indien ’n koei geneig is om moeilik te sak, word haar kalf by haar kop vasgemaak sodat sy makliker uitgemelk kan word. Sodra die koeie gemelk is, word hulle losgemaak en gaan hulle by die ander kant van die gang uit.
Die kompetisiewenner word onder meer op grond van die bakterie- en somatiese seltelling, asook die algehele gehalte van die melk (byvoorbeeld bottervet-inhoud), gekies. Die bakterietelling mag nie meer as 200 000 dele per milliliter melk wees nie. Dus is gehaltebeheer en ’n hoë bottervetinhoud baie belangrik.
Die melk wat Hennie lewer, het ’n baie lae somatiese seltelling. Dit bevat gemiddeld 3,5% bottervet. Hy word nie ekstra betaal vir hoë bottervet nie. Sy diere lewer gemiddeld 1 200 liter melk per dag wat elke tweede dag deur Namibia Dairies met ’n tenkwa op Hennie se plaas getap word.
Alles moet skoon bly: van die koeie se uiers en spene wat voor ’n melktyd met chloorwater gewas word tot die melktenk wat ná elke oortapping gesteriliseer word.
“Om die uier bloot met water af te spuit, is nie goed genoeg nie, want die bakterietelling kan dan die hoogte inskiet,” sê hy.
Nadat ’n koei gemelk is, word die melkklos in ’n emmer skoon water afgespoel en droog geskud voor die volgende koei gemelk word, anders kan die lagie melk wat in die klos agterbly, suur word. Die melkmasjien pomp die melk in ’n emmer by elke koei. Dit word dan in die verkoelingstenk gegooi, waar die temperatuur onder 4 °C gehou word.
TWEE MELKTYE
Die koeie wei snags sonder hul kalwers in die veld, kom soggens self na die plaaswerf toe en bly dan heeldag daar. Hulle word twee keer per dag gemelk: Van 08:00 tot 12:00 en 14:30 tot 17:00. Tussen die twee melktye rus die koeie in die krale. Ná die tweede melktyd loop hulle vanself weer veld toe waar hulle deur die nag wei. Die kalwers word bedags in ’n afsonderlike kraal afgehok sodat hulle nie die koeie kan uitsuip nie en wei snags in ander kampe as die koeie.
Hennie het twee krale langs sy huis. In elke kraal is daar krippe waarin hy vir die koeie brouersgraan verskaf, wat van Namibia Breweries (in dieselfde groep as Namibia Dairies) af kom. Die melktenkwaens het afsonderlike kompartemente vir die brouersgraan wat plaas toe kom en die melk, wat hulle weer terug aanry Windhoek toe. So word die vragmotors ten volle benut.
In die stalle kry die koeie ’n mengsel van brouersgraan, kragvoer (Suiwel 15, reg.no.