Sorg beter vir die swamme en die grond sorg vir jou
Boere wat vanaf konvensionele na geenbewerking omskakel, is dikwels gefrustreerd met die stadige pas waarteen die vlakke van organiese materiaal in uitgeputte grond herstel. Is swamme die vermiste skakel?
Dokters weet al lankal die mikrobioom – daardie komplekse samelewing van swamme en bakterieë wat in mense se spysverteringstelsel voorkom – is deurslaggewend vir menslike gesondheid. Onder landboukundiges vat die besef nou toenemend pos dat die mikrobioom in grond net so deurslaggewend is as jy hierdie hulpbron se produksiepotensiaal wil laat herleef.
Dr. David Johnson van Nieu-Mexiko-staatsstofreserwes universiteit in Amerika is internasionaal bekend vir sy navorsing oor die vaslegging van koolstof uit die atmosfeer in grond as ’n manier om aardverwarming te troef.
Dié molekulêre bioloog predik al jare dat nie net die oplossing vir aardverwarming nie, maar ook die herlewing van boerderypotensiaal uiteindelik in saailande se mikrobioom, en spesifiek die swamme, lê.
Sy jongste navorsingsbevinding is dat mikrobiese aktiwiteit die heel belangrikste agent in die vaslegging van stabiele kool- KORTOM
■ ’n Gesonde mikrobiese stelsel in grond is die heel belangrikste faktor vir die vaslegging van ’n stabiele koolstofvoorraad, wys nuwe navorsing. Tradisionele verbouingspraktyke het die gesonde balans tussen swamme, bakterieë en plantwortels in saaigrond versteur. Verskuif jou fokus na die herstel van hierdie swambevolkings, en die res sal vanself regkom, glo dié Amerikaanse grondkundige. Sy navorsing hieroor het in 2004 begin toe hy ’n projek vir die Amerikaanse departement van landbou begin het om vas te stel hoe die mis uit melkerye in ’n nuttige produk vir die landbou omgeskakel kan word.
Die resultaat was ’n komposteringproses wat die soutgehalte van die mis verlaag het. Hierdie kompos was nie net veilig vir toediening in grond nie, maar het ook ’n diverse mikrobiese gemeenskapstruktuur gehad.
David verduidelik dat kompostering gewoonlik in windrye gedoen word, wat beteken die kompos word gereeld gedraai. Dít ontwrig swamgroei.
Die nuwe proses wat hulle ontwikkel het – die Johnson-Su-tegnologie – is staties en vind sonder omdraai plaas, wat toelaat dat die swamgemeenskappe in die kompos floreer.
Dit het die nodige waterverbruik vir die kompostering sesvoudig verminder, en die nodige tyd met 66% verkort.