Dié week in die landbou
STAAT HOU SY GROND
Die ANC se nasionale uitvoerende komitee het onlangs besluit ’n moratorium moet op die verkoop van alle staatsgrond ingestel word om te keer dat grond verkoop word wat die Regering kan aanwend vir grondhervorming. Volgens dr. Theo de Jager, voorsitter van die Wêreldboereorga- nisasie, is dit ’n verstaanbare versoek, omdat kopers van staatsgrond kaders is met goeie kontakte. Verskeie verslae het ook al uitgelig hoe korrupsie grondhervorming pootjie.
TRAGEDIE
uitbreking wat einde verlede jaar begin het. Gesondheidsowerhede spook steeds om die oorsprong daarvan na te speur en hoop dat uitslae van ’n nuwe reeks toetse wat twee weke gelede by voedselverwerkers gedoen is, nuwe leidrade kan oplewer. Dit is die grootste uitbreking tot dusver in Suid-Afrika. Volgens die Departement van Gesondheid is die oorsprong beperk tot ’n enkele, wydverbruikte besmette voedselproduk of verskillende produkte by ’n enkele verwerkingsaanleg.
NAMPO KOM KAAP TOE
Die maatskappy sonder winsoogmerk Bredasdorp Mega Park het ’n ooreenkoms gesluit met Graan SA om ’n landbouskou soortgelyk aan die Nampo-Oesdag van 12 tot 15 September op Bredasdorp te hou. Dit kom nadat die Agri Mega Groep hom verlede jaar aan die skou onttrek het. Graan SA doen ’n beroep op uitstallers om vroeg plek te bespreek. Aansoeke kan vanaf 1 Maart op die webwerwe van Graan SA en Nampo gedoen word. (www.grainsa. co.za; www.nampo.co.za)
KORINGPRYS DUIK
Die Internasionale Graanraad verwag vir die eerste keer in ses jaar ’n daling in die wêreld se koringproduksie vir die internasionale 2018-’19-produksietyd. In sy eerste oesskatting verwag hy 742 miljoen ton koring, wat op ’n jaargrondslag ’n daling van 35 miljoen ton is. Nogtans sal dit, as dit realiseer, die derde grootste oes in die geskiedenis wees. Die skatting vir die huidige seisoen is die grootste tot dusver teen 757 miljoen ton. Agrimoney berig die verwagting is gegrond op ’n verwagte daling van 400 000 ton op
WURM WORD WAKKER
Die herfskommandowurm was tot middel Januarie redelik stil in die somerreëngebied met net klein kolle in veral die ooste waar hulle opgemerk is sê dr. Gerhard Verdoorn, direkteur van die Griffon-gifinligtingsentrum. “Ek meen die weersomstandighede was nie gunstig vir sy aanwas nie, maar as dit nou skielik wyd en goed begin reën, kan dit verander. Mielie-aanplantings lyk nie naastenby so goed soos verlede jaar nie en dit speel seker ook ’n rol, hoewel die wurms ook al by aartappels, uie en ander groentegewasse gevind is.” Hy sê hy het die afgelope week gehoor van herfskommandowurms by mielies by Groblersdal en by aartappels by Delareyville. “Ek verwag dat ons van nou af van meer gevalle gaan hoor.”
GEEN BELASTING
Suiwelprodukte waarby suiker gevoeg is, is nie aan die nuwe suikerbelasting onderhewig nie, berig die Melkbulletin. Dit sluit produkte soos jogurt, drinkjogurt, versoete kondensmelk en gegeurde, gekleurde en versoete melk in. Melk SA se projek vir regulasie en standaarde het die Tesourie versoek dat suiwelprodukte vanweë hul voedingswaarde van suikerbelasting kwytgeskeld moet word. Dié produkte word volgens mnr. Alwyn Kraamwinkel, uitvoerende hoof van die Suid-Afrikaanse Melkprosesseerdersorganisasie, nou as suiwelprodukte geklassifiseer deur die Suid-Afrikaanse Inkomstediens en nie as koeldranke nie. Lees meer by bit.ly/2n8VHnN.