Maak baie versigtig jou somme as jy besluit om buite die optimale tyd te plant, waarsku hierdie landboukundige.
van die groeityd stuur,” sê Sam.
“Hierdie data wys duidelik die optimale planttyd vir mediumgroei-kultivars was oor die jare van 15 November tot 15 Desember. Om buite hierdie planttyd te plant, vergroot die risiko van ’n misoes weens droogte betekenisvol.
“As jy suksesvol mielies wil verbou, is tydsberekening van die allergrootste belang. Omdat mielies bepaalde vog- en klimaatvereistes het, speel jou keuse van die plantdatum ’n deurslaggewende rol in die uiteindelike opbrengs. Daarby het die mielieplant bepaalde kritieke groeistadiums waarin klimaatstoe- stande die opbrengspotensiaal kan verbeter of benadeel.”
Sam sê die mielieplant se lewensiklus kan in twee dele verdeel word: Die eerste is die vegetatiewe stadiums, wat begin sodra die pit in die grond geplaas word en 30% van sy gewig in grondvog moet opneem sodat die ammilase-proses vir ontkieming kan begin.
Die vegetatiewe stadiums volg dan op mekaar tot in die finale een – vegetatief pluim – wanneer die baard net-net sigbaar is, maar nog geen pluim nie.
In hierdie vegetatiewe fases berei die plant homself voor vir die tweede stel stadia – die reproduktiewe fases. In hierdie fases vind produksie van die saad (graan) plaas waarmee die mielieplant die volgende geslag plante wil verseker. Daar is vyf kritieke fases in ’n mielieplant se lewe wanneer enige omgewingstres opbrengs sal inkort, sê Sam. Hierdie vyf is: V3, 9 tot 12 dae ná opkoms, wanneer seminale wortels en koplote begin groei, en die