WELLINGTON DIÉPLEKVIR BLOUBESSIES
Exports, ’n vername bloubessieprodusent en -uitvoerder, het Wellington in die WesKaap geoormerk as Suid-Afrika se bloubessietuiste.
Dié maatskappy, wat die gesogte OZblu-kultivars in Suid-Afrika verbou, verpak en uitvoer, en ook sagte- en steenvrugte uitvoer, se hoofkantoor is in die Paarl, maar hul nuwe projek, Indigo Berries, is in Wellington. Daar is ’n aantal faktore, volgens mnr. Jon Salters, die uitvoerende hoof van United Exports, wat van Wellington die perfekte ligging maak vir bloubessieverbouing.
“Die afgelope paar jaar het die Wes-Kaap aansienlike mededinging in wyndruifproduksie ervaar. Bloubessies bied ’n gulde geleentheid aan boere in die Wes-Kaap om te diversifiseer en voordeel te trek uit ’n groeiende, volhoubare wêreldmark.”
WERKSKEPPING
Indigo Berries word op reeds bestaande, maar tot onlangs nog onderbenutte, landbougrond aan die buitewyke van Wellington gevestig. Die projek sal maatskaplike en ekonomiese voordele vir die streek inhou, waaronder broodnodige, bykomende werkverskaffing en ’n regstreekse belegging van meer as R70 miljoen. Dit sluit nie die koopprys van die plaas in nie.
Saailinge gaan eersdaags geplant word en Indigo Berries se eerste oes behoort in September gepluk te word.
OPLEIDING
“Indigo Berries wil werk aan meer as 65 heeltydse werkers verskaf, terwyl indiensneming in pluktyd tot 650 sal styg. In die volgende drie jaar sal aansienlike belegging in ’n opleidingsakademie ook gemaak word, gemik op vaardigheidsontwikkeling van werkers en gespesialiseerde opleiding vir tegniese en bestuurspersoneel,” sê hy.
R1 miljoen is bewillig vanuit die OZblu-handelsmerk om die akademie op die been te bring wat spesifiek vir plaaswerkers en hul kinders beskikbaar sal wees.