Op facebook
BTW OP VLEIS Dink jy hoendervleis behoort van BTW vrygestel te wees? Die hoenderprodusent Astral voer aan hoendervleis behoort ook in die mandjie van basiese voedselprodukte te wees waarop geen BTW gehef word nie.
Anna Venter skryf: Nee. Wat maak ’n hoenderboer beter as ’n bees-/skaap-/vark-/melkboer. Dan moet rooivleis ook vrygestel word, want net soos hoenderboere meen enige ander boer ook dat sy produk in die verbruiker se mandjie hoort.
Sophia Lüscher-Geldenhuys
skryf: Ja, daar is baie gesinne wat onder die broodlyn lewe. Wat met ’n maandelikse inkomste van R3 000 ’n gesin moet voed en skoolonkoste het benewens dinge, soos kos, klere en skoene.
Johann Horn skryf: Koop minder slaai en goedjies, dan wen jy op die BTW vir meer brannas.
Jakobus Myburgh skryf: Alle regeringsbelasting op voedsel is diefstal, ’n misdaad teen die mensdom en die burgers van Suid-Afrika. Dit sluit brandstof en vervoer in.
Thys Groenewald skryf: Ek is van mening dat ten minste een proteïen vrygestel moet wees. (Dalk is daar waarvan ek nie weet nie.) Daar is reeds al ’n klompie stysels.
Heidi Lundie skryf: Hoenders, skape en bokke behoort vrygestel te wees van BTW. Hulle hoef nie te betaal nie.
Ponie Poggenpoel skryf: Ja, beslis, want die meeste SA burgers gebruik dit daaglikse as deel van hul daaglikse voedingsmiddele.
Jurg en Christina Becker
skryf: Hoendervleis is nie ’n stapelvoedsel nie. Sal ook nooit (wees nie). Dit is net een van die goedkoop proteïene. Mieliepap is wel. Dit is hoekom dit van BTW kwytgeskeld is.
Frikkie van Eeden skryf: Wat rou hoendervleis betref, JA. Maar dit moet net nie geld vir verwerkte produkte nie.