Bespreek nou vir opleiding
Die Melkprodusente-organisasie bied talle kursusse aan. Besoek sommer vandag sy webwerf vir nog inligting.
Die MPO-opleidingsinstituut bied verskeie kursusse aan. Sommige daarvan maak deel uit van Melk SA se projekte en is gerig op werkers, toesighouers en bestuurders op melkplase. Van die kursusmateriaal is ook geskik vir werknemers en bestuurders by beesplase en voerkrale, en sluit in:
Melkproduksie – Dié program gee aandag aan alle aspekte wat belangrik is vir melkplaaswerkers om goed te kan funksioneer.
Diereversorging – Basiese diereversorgingpraktyke en praktiese demonstrasies.
Kunsmatige inseminasie – Basiese teelpraktyke vir plaasdiere en basiese KI-praktyke.
Sosiaal-ekonomiese bemagtiging – Basiese kennis van die ekonomies en landbouproduksie-bestuurspraktyke in die vryemarkomgewing word gegee.
Trekkeronderhoud – Wanneer leerders dié program voltooi het, sal hulle ’n trekker kan bestuur, daaglikse onderhoud uitvoer en voldoen aan die wetlike vereistes vir die hantering van ’n trekker.
Beginsels vir gesondheid en veiligheid by melk- en veeproduksie – Dié vaardigheidsprogram kyk na die toepaslike seksies van die Suid-Afrikaanse Wet op Beroepsgesondheid en -veiligheid (Wet 85 van 1993).
Veehantering in die voerkraal – Observasie en hantering in die voerkraal en sekere behandelings en inspeksies.
Voerkraalbestuur – Diergesondheid, voer, behandeling en bestuurspraktyke.