WES-KAAPSE WHISKY SLAAN SLAG VIR SA

DIE wêreld se beste enkelgraanwhisky word op Wellington in die WesKaap gemaak, en is boonop die enigste whisky op aarde wat van SuidAfrikaanse mielies gestook word.

Bain’s Cape Mountain Whisky

het onlangs Skotse, Ierse, Amerikaanse, Japannese én Taiwannese deelnemers op hul neus laat kyk by die Wêreldwhiskyprysuitdeling in Londen toe dit as die wêreld se beste graanwhisky aangewys is.

Mnr. Andy Watts, ’n voormalige beroepskrieketspeler, is aangewys as internasionale ikoon vir sy rol as stoker en vir die versnyding van die whisky. Hy het tien jaar lank gewerk om die whisky te ontwik kel. Dit is in 2009 bekend gestel.

BOURBON-VATE

Die whisky ondergaan vyf jaar lank ’n unieke dubbelveroudering in vate wat voorheen vir Amerikaanse whiskey (bourbon) gebruik is. Danksy SuidAfrika se warmer klimaat vind die wisselwerking tussen die hout, spiritualieë en lug betreklik vinnig plaas. Die whisky het derhalwe vroeg ’n volronde smaak.

Watts, ’n Brit wat in die 1980’s krieket in SuidAfrika afgerig het, is deur die destydse Stellenbosse Boerewynmakery (deesdae Distell) Skotland toe gestuur om te gaan leer whisky maak.

Sedert 1991 maak die maatskappy whisky by die James Sedgwickstokery op Wellington, waar Bain’s Cape Mountain Whisky en Three Ships Whisky vandag gesetel is.