SPESIALE VERF VIR VRUGTE- EN NEUTBOME
Ná ’n huwelik van vier jaar met ’n neut-en-vrugteboer kon mev. Moya Blight net nie meer toekyk hoe haar man elke jaar die boomstamme waar hy gesnoei het, met gewone wit PVA-verf bedek nie.
Vrugteboere verf die boomstamme wit waar hulle gesnoei het om die kaal stamme teen sonbrand te beskerm en Moya wou ’n beter verf aan boere beskikbaar stel. Sy het met soveel boere gesels as wat sy kon en twee snoeitye gebruik om te eksperimenteer. Haar eindproduk is uiteindelik vanjaar bekend gestel.
Inspired by Moya se geheim is dat die akrielgebaseerde verf sink en boor bevat. Dié minerale loog mettertyd in die grond in en word dan deur die boom opgeneem. Dit is twee van die belangrikste mikro-elemente wat avokado’s en ander vrugte- en neutbome nodig het. Terselfdertyd beperk die helder wit verf die hittestres op die boom se kambiumlaag, dit beskerm die bas én help met nuwe groei op kaal stamme.
Met 20 jaar se ondervinding van sementen verfbedekking het Moya seker gemaak haar produk wend maklik aan en heg goed aan boomstamme. Dit kan met ’n kwas of met ’n verfspuit aangewend en tot 60% met water verdun word. Dit word vinnig droog, is nie vlambaar nie en bevat nie lood, ander swaarmetale of ammoniak nie. Aangesien die produk ’n waterbasis het, is dit maklik om toerusting ná gebruik skoon te maak.
Dieverfiste kry in plastiekemmers (20 l of 200 l ). Prys: R290 (20 l) e nR 2700 (200 l). 081 329 2773; admin@in spiredbymoya.co.za