INFORMELE VEESEKTOR KAN SA VLEISPRODUKSIE VERDUBBEL
KOMMERSIËLE boere in SuidAfrika het ’n reusetaak om opkomende en minder ervare boere op te lei ter wille van volhoubaarheid en voedselsekerheid.
Dít was die boodskap van dr. Riaan du Preez, hoofbestuurder van nuwesake-ontwikkeling by Afrivet, op die onlangse bekendstelling van ’n reeks nuwe dieregesondheidsprodukte in Magaliesburg.
Hy sê ’n vyfde van Afrika se bevolking gaan slaap steeds daagliks honger, al het die informele sektor baie vee. In Suid-Afrika is daar byna net soveel beeste in die informelesektorasindieformele sektor, maar net 10% van die land se vleisproduksie kom van die informele sektor.
“Ons het ’n enorme taak om mense op te lei om meer volhoubaar te boer. Die huidige speenpersentasie by beeste in die informele sektor is omtrent 30.
“Om dit te verbeter, sal veeartse en die hele vleiswaardeketting moet inspring om beter dieregesondheid in kommunale kuddes teweeg te bring.”
KOSTE
Mnr. Matthew Carter van Afrivet se opleidingsbeen sê die swak kalfpersentasie kos die informele sektor tot R12 miljard per jaar.
“As ons daardie boere toegang tot beter veeartsenydienste kan gee, kan ons Suid-Afrika se vleisproduksie byna verdubbel, en as ons die volle waarde van hoëdrukbeweiding kan ontsluit, kan ons dit waarskynlik verdriedubbel.”
Om beter en meer veeartsenydienste daar te stel, is Afrivet met die samewerking van die Veearts Netwerk van dr. Danie Odendaal besig om slimfoontoepassings te ontwikkel wat boere op afgeleë Dr. Peter Oberem, uitvoerende hoof van Afrivet, sê sy maatskappy hoop om deel te wees van die oplossing vir baie van die probleme wat volhoubare diereproduksie in Afrika betref, en wil graag ’n sleutelrol speel in die opleiding van boere op die vasteland. Hy meen Afrika se vermoë om die grootste deel van die groeiende wêreldbevolking te voed, gaan grootliks afhang van maatskappye, soos Afrivet, se vermoë om dieregesondheid op die vasteland te verbeter.
“Ons moet elke dier gesond deur die produksieproses kry tot waar dit ’n bydrae tot gesonde voedsel in die waardeketting kan lewer.” —