As een van die grootste uitstallers by Nampo kan niemand John Deere se tegnologie, masjinerie en winkel ignoreer nie.
As die voorbladadverteerder van Landbouweekblad se Nampo-bylae berei John Deere jou voor op ’n indrukwekkende Nampo-uitstalling.
Sedert daardie eerste groot demonstrasiedag in Kansas waar John Deere se Waterloo Boy Model N in 1918 bekend gestel is, het die maatskappy die kuns vervolmaak om aan skougangers ’n onvergeetlike ervaring te bied.
Landboumasjinerie was ’n belangrike afdeling van die Oesdag sedert dit in die laat 1960’s die eerste keer aangebied is. John Deere is natuurlik deel van dié geskiedenis en stal reeds dekades lank uit op Nampo-park, wat in 1974 ingewy is. Dié uitstalling bied elke jaar iets nuuts en opwindend en daar is ook ’n winkel met klere, geskenke en speelgoed. Of dit nou tegnologie vir presisieboerdery, ’n nuwe stroper of ’n speelgoedtrekker is, daar is iets vir elke boer en sy kind te koop.
Verlede jaar wou almal die nuwe reeks 9RX-trekkers met hul rusperbande sien. Mnr. Kevin Lesser, kommunikasiebestuurder van John Deere, sê die 9570RX-trekker (toe sowat R8 miljoen werd) is op Nampo se eerste dag verkoop met nóg bestellings wat gevolg het. Dié trekker is ideaal vir die boer wat groter en vinniger wil werk met al die voordele van presisieboer- derytegnologie en gemak. Die trekker het ’n 1 500 liter-dieseltenk en kan sowat 16 uur werk.
Gaan loer in by standplaas A12-14 van 15 tot 18 Mei om John Deere se jongste aanbiedinge eerstehands te ervaar. co.za; www.deere. 080 098 3821.