Die gespesialiseerde werktuie van LEMKEN het hul oorsprong in Duitsland. Dit is bekend om presisie, vernuwing en unieke meganiese oplossings vir die landbou.
LEMKEN se kenmerkende blou werktuie is al ’n bekende gesig op Suid-Afrikaanse bodem. Mnr. Karel Munnik, besturende direkteur, en sy span in Suid-Afrika bestuur dié Duitse maatskappy se verspreidingsnetwerk in Afrika suid van die Sahara.
“Boere wat ons masjinerie koop, kom terug om nog van hul toerusting met LEMKEN se werktuie te vervang. Met minder bewerkings kan die grond doeltreffender bewerk word om ’n ferm saadbed voor te berei,” sê Karel.
LEMKEN is verantwoordelik vir die bemarking, verskaffing van onderdele en die opleiding van handelaars in Suider-Afrika vir LEMKEN-land- boutoerusting wat in Duitsland vervaardig word. LEMKEN SA is ’n dogtersmaatskappy van LEMKEN GmBh in Duitsland.
“LEMKEN doen al sedert 1 Januarie 2012 in Suid-Afrika sake, maar LEMKEN in Duitsland bestaan al sedert 1780. Ons doen nie regstreeks met klante sake nie, maar het ’n handelaarsnetwerk in SuiderAfrika wat bykans elke belangrike streek verteenwoordig,” sê Karel.
Die duursaamheid van LEMKEN se werktuie, die feit dat dit ekonomiese bewerking bied en die maatskappy se uitstekende naverkoopdiens is van die eienskappe wat die maatskappy laat uitstaan, sê Karel.
LEMKEN is vanjaar weer op Nampo om sy gewildste werktuie uit te stal. Kenners sal ook beskikbaar wees om boere se vrae te beantwoord en oor sy produkte te gesels.
Karel, mnre. Christo Prinsloo, Blackie Swart, Jacobus Beyers en Rudi Botha, asook me. Monia Shears sal almal vanjaar op Nampo by Bothaville wees en nooi alle boere om hulle te besoek.
Karel sê LEMKEN bied nuwe tegnologie wat tot voordeel van boere se ondernemings kan wees. Dit kan ook doeltreffendheid verhoog en koste verlaag.
“Vanjaar stel ons ook die Solitair 12-planter op Nampo bekend.”
GRONDBEWERKING
LEMKEN se Solitair 12 is ’n Die uitmeetmeganismes word elektries aangedryf, maar elektronies gereguleer. Die meeteenhede lewer ’n eweredige vloei van sade en goeie verspreiding.
Die kouterbalk van die Solitair 12 is in twee dele verdeel. ’n Vernuwende hidrouliese stelsel bied deurlopende grondaanpassing, wat veral belangrik is vir groot werkwydtes. Dit word bewerkstellig deur middel van vier gekoppelde drukstawe wat selfs op ongelyke terrein eweredige druk toepas en by die grond aanpas. www. lemkensa.co.za; b.swart@lemken.com; 082 404 9651; e-pos: k.munnik@lemken.com; 082 412 2577. Bylae tot Landbouweekblad