BHBW verskaf omvattende oplossings vir digitale boerdery saam met die Massey Ferguson-reeks.
Massey Ferguson se reeks bestaan uit trekkers met kraglewering van 27 kW tot 266 kW. Verskeie werktuie kan daaraan gekoppel word, soos breedwerkplanters van tot 24 rye, en ’n volledige reeks hooimaaktoerusting.
Nuwe toevoegings aan die trekkerkant is vier MF 7700-modelle van 136 kW tot 177 kW. Dié trekkers, ’n opgradering van die hoërkilowatt-modelle in die beproefde MF 7600-reeks, is toegerus met AGCO Power-enjins en Dyna 6-transmissies met 24 vorentoe- en truratte wat sonder ’n koppelaar kan wissel.
Die trekkers het ’n hysvermoë van tot 9,95 ton – dit is bo die gemiddelde vir dié mark.
Mnr. Johan Joubert, hoofbestuurder van Massey Ferguson by BHBW (voorheen Barloworld Agriculture), sê die trekkers is ontwerp vir maksimum kraglewering en wringkrag, en ook brandstofekonomie.
Massey Ferguson se vlagskipMF 8700-reeks, wat uit twee modelle van 228 kW en 266 kW bestaan, is aangevul met die MF 8727 van 195 kW.
Soos die groter modelle het dit ’n deurlopend wisselende Dyna-VT-transmissie en ’n trekkerbestuurstelsel wat die enjinspoed en transmissie outomaties aanpas vir optimale kraglewering en brandstofdoeltreffendheid. Dit het ’n hysvermoë van 12 ton op die driepunt.
BASIESE TREKKERS
Op Nampo sal klem gelê word op Massey Ferguson se Globalreeks van 61 kW tot 98 kW (die MF 4700-, MF 5700- en MF 6700-reeks). Dié trekkers is prakties, veelsydig en eenvoudig om te hanteer.
“Dit is trekkers so reg in die BHBW het sy reeks hooimaaktoerusting uitgebrei ná nog ’n internasionale verkryging deur AGCO, die vervaardiger van Massey Ferguson.
AGCO het Fella in 2011 oorgeneem. AGCO se Feucht-aanleg lewer nagenoeg 11 500 Massey Ferguson-, Fella- en Fendt-hooimaakwerktuie per jaar.
BHBW Suid-Afrika versprei tolsnyers, hooilugters en kragharke uit die Feucht-fabriek.
Ná AGCO se onlangse oorname van Lely se voermaakafdeling (waaronder Welger) voeg BHBW nou ook beproefde rondebalers by sy gewilde vierkanten blokbalers.
Drie vastekamer-rondebalers is beskikbaar, waaronder ’n swaardiensmodel. Die balers het ’n optelwydte van 2m of 2,25 m en lewer bale van 1,25 m in deursnee (tou of net).
’n Xtracut-funksie met 13, 17 of 25 lemme is beskikbaar om materiaal fyner te kerf. “BayWa, ’n vennoot in BHBW, is ’n leier in digitale boerdery in Duitsland. Só kan ons tegnologie bied wat die presiese bestuur van die hele graanproduksiesiklus deur ingeligte besluitneming moontlik maak,” sê Johan.
Tegnologiese produkte wat besig is om die landbou wêreldwyd te transformeer is reeds by BHBW beskikbaar onder die NEXT Farming-handelsmerk en sal op Nampo ten toon gestel word.
“NEXT Farming bied ’n volledige program wat al die nodige ruimtelike inligting oor die toestande vir elke landery verskaf en só liggingspesifieke plaasbestuur moontlik maak. Akkurate grafiese voorstellings van onder meer opbrengs, sensordata en grondmonsterontledings, en die skep van kaarte om die data toe te pas, is moontlik met NEXT Farming se liggingspesifieke bestuursinligtingstelsel.”
Die koste, inkomste en winsbydrae per plaas of landery word onder meer outomaties gelewer vir die skep van verslae wat op ’n iPhone met die NEXT-toepassing afgelaai kan word.
BHBW verskaf nie net die sagteware en die nodige hardeware of produkte vir presisieboerdery nie, maar ook professionele dienste, soos gewasadvies, meganisasiebeplanning, diensplanne vir toerusting en finansieringsprogramme.
“Met NEXT Farming-tegnologie kan jy die beste haal uit elke vierkante meter grond, selfs elke individuele plant. Só maak ons dit vir kommersiële en ontluikende voedselprodusente moontlik om produktiewer, winsgewender en volhoubaarder te boer.” www.masseyferguson.co.za; 011 898 0074. Bylae tot Landbouweekblad