Razorback Equipment sit jou agter die stuur van die taaiste instandhoudings- en veldbestuurtoerusting, gerugsteun deur betroubare naverkoopdiens en onderdele.
Die juweel in Razorback Equipment se versameling is die BCS-tweerigtingtrekkers, soos die Volcan V950 wat ideaal is vir gebruik in boorde en wingerde waar daar min omdraaiplek is. Die Volcan V950 het verskillende toebehore vir allerlei take.
Spesialistoerusting bied praktiese oplossings vir instandhoudingswerk, veral die onderhoud van boorde en wingerde, maar ook veldbestuur en ontbossing.
By Razorback Equipment is toerusting, soos Serrat- en Seppi-vermolmers (mulchers) beskikbaar, asook skraaplemme, swaardiensgrassnyers en ’n opkapmasjien om hout, bosse en takke te versnipper.
Wees op die uitkyk vir die Seppi-vermolmers wat bossies, gras en jong struike sonder probleme opsny en gelyk kap tydens ontbossing en veldbestuur. Dié Italiaanse handelsnaam bestaan sedert 1939 en bou sedert 1971 die wêreld se taaiste vermolmers.
Razorback Equipment is ’n regstreekse invoerder van Seppi en Serrat se toerusting.
TWEERIGTINGTREKKER
Die krag agter – of voor – al dié toebehore is die tweerigtingtrekker wat Razorback plaaslik versprei. Soos die beskrywing aandui, kan die bestuurdersitplek met 180-grade omgeswaai word om bewerkings wat in trurat geskied, te vergemaklik. Die stoel en kontroles is só ontwerp dat die operateur die trekker en sy toebehore in albei rigtings kan beheer deur dit net om te swaai.
Die vierwielaangedrewe Volcan V950 RS het ’n VM754-dieselenjin (66,9 kW) en is met of sonder ’n kajuit beskikbaar. Dit het ’n 32-gangkruipratkas met 16 ratte vorentoe en 16 agtertoe. Hy het ’n opligvermoë van 2 300 kg. ’n Reeks toebehore, waaronder ’n laaivurk, ’n slootgrawer, ’n laaigraaf, ’n vermolmer, en ’n snoeisaag kan op die Volcan aangebring word. Dit is die ideale trekker vir nouer bewerkings, terwyl die vierwielaandrywing wielglip voorkom.
Razorback bied ook ’n reeks BCS-tweewieltrekkers en meer as 20 toebehore. Dié toerusting laat die operateur agter die tweewieltrekker loop, maar bied steeds genoeg werkverrigting om ’n verskeidentheid take op kleiner oppervlakke en in nou spasies uit te voer.
Drie BCS-tweewieltrekkers is beskikbaar: Model 720 met ’n Honda GX270-petrolenjin van 6,3 kW. (Pryse vanaf R29 000.) Model 730 met ’n Honda GX340-petrolenjin van 8 kW. (Pryse vanaf R36 000.) Model 740 met ’n Yanmar LN100-dieselenjin van 7,5 kW. (Pryse vanaf R49 000.)
NET DIE BESTE
Mnr. Donovan Ritchie van Razorback is sedert 1984 betrokke by die invoer en verspreiding van grassnyers en gemeganiseerde toerusting en verskaf al vir meer as 30 jaar ook landbouverwante toerusting. Die afgelope 20 jaar voer Donovan ook op klein skaal toerusting van BCS in.
“Razorback Equipment sal voortaan al BCS se produkte beskikbaar hê. Met toenemende belangstelling in klein boerderye, tonnelverbouing, bestaansboerdery, organiese en stokperdjieplase, glo ons dat die laer koste en omgewingsimpak van die tweewieltrekkers in die BCSreeks die regte oplossing bied.”
Die BCS-tweewieltrekkers is ideaal vir kleiner oppervlaktes. Dit verhoog produktiwiteit, want dit doen die werk wat die operateur andersins met die hand sou moes doen. Dit kos vanaf R699 000.
BCS is in 1942 in Italië gestig en verkoop vandag produkte in meer as 80 lande. Dit het meer as 700 verkoopspunte in Amerika. Razorback Equipment is die invoerder van BCS-trekkers en -toebehore in Suid-Afrika. www. bushclearing.co.za; www.bcsferrari.com; www.seppi.com; www.serrat.com; djritchie@telkomsa. net, 083 625 5893 012 661 0863; 0725215010. Bylae tot Landbouweekblad