Argo Industrial nooi alle boere om sy uitstalling op Nampo te besoek en die bekendstelling van die X8-reeks by te woon.
Hoë krag het ’n nuwe naam by McCormick, naamlik X8. En met 200 kW en meer kombineer die X8trekkerreeks ware krag met gerief en styl.
Met die ontwerp van die X8reeks was McCormick se primêre doel om ’n trekker te bou wat gevorderde funksies kombineer met ongeëwenaarde styl en gemak vir veeleisende boerderytake.
Die X8reeks bied verskeie kenmerke aan die operateur, soos ’n volledig herontwerpte kajuit met ergonomies geplaaste kontroles, ’n vierstadium“VTDrive”transmissie met kontroles wat maklik is om te gebruik, ’n helder DSMraakskermmonitor, ’n hidrouliese stelsel met ’n vloeisnelheid van 212 liter/min. en vyf elektro hidrouliese afstandbeheerkleppe, en kragtige, brandstofdoeltreffende Betapowerenjins wat 200 kW en meer kan lewer.
Danksy die buitengewone ontwerp is boere trots om ’n McCormick X8 te bestuur. Die enjinkap met sy skerp, dinamiese lyne gee aan die trekker ’n aggressiewe en aantreklike voorkoms, terwyl die LEDligte in die voorste rooster naatloos geïntegreer word.
Die kajuit met vier pilare, groot vensters en sondak bied uitsonderlike sigbaarheid in alle rigtings. Daarbenewens bied tien dakgemonteerde ligte uitstekende beligting vir nagwerk. Die X8 het vier maklik toeganklike trappe sodat die operateur maklik in en uit die kajuit kan klim.
ONOORTREFLIK
Landini se 7reeks het ’n moderne kajuitontwerp, ’n stylvolle, aggressiewe voorkoms, ’n nuwe “Pro Drive”ratkas en beproefde Betapowerenjins.
Die reeks is gereed vir die toenemende eise van die moderne landbou en voldoen gevolglik aan die landboumark se hoogste verwagtinge.
Die “Pro Drive”ratkas met spoelkas (shuttle) en kruiprat dra krag oor deur ’n vyfgangratkas met ses kragskakels per gang.
Die ratkas word elektronies beheer deur drukknoppies op die multifunksionele armleuning van die sitplek met lugvering.
Dit het ’n outomatiese skakelfunksie wat outomaties die korrekte rat selekteer in die land of op die pad.
MINDER BRANDSTOF
Die vyf modelle van die Landini 7reeks word aangedryf deur Betapowerturboenjins met drukbuisinspuiting en tussenlugverkoeling wat 116 kW tot 143 kW lewer. Die enjins van 6,7 liter het 6 silinders en 24 kleppe.
Die geoptimaliseerde elektroniese brandstofinspuiting en die verbeterde verbrandingsdoeltreffendheid stel die enjins in staat om meer krag met minder brandstof te lewer.
KAJUITSPASIE
Die ergonomiese kajuituitleg is ’n ware tegnologiesentrum van waar die operateur die trekker met maksimum gemak kan beheer. Die kajuit is ontwerp om vir die operateur ’n veilige, geraasvrye en gemaklike omgewing te verseker vir lang ure in die veld.
Die vierpilaarkajuit is gelaai met funksies, waaronder ’n sitplek met lugvering en ’n multifunksionele armleuning, ’n teleskopiese kantelverstelbare stuurwiel, doeltreffende outomatiese klimaatbeheer en lugreëling, LEDligte en onbelemmerde sigbaarheid.
Benewens die multifunksionele armleuning wat na die sypaneel verskuif is, het die kajuit dieselfde kenmerke as die kajuit van die ander vyf modelle. Die ratkasfunksie, nou op die sypaneel, verskaf steeds die normale funksies omdat die ratkas in al die modelle in die 7reeks dieselfde bly.
NAMPO
Benewens die Landini en McCormicktrekkerreekse kan besoekers aan Nampo by Argo Industrial se uitstalling ook Gallignani se hooimaaktoerusting, FELLA se snyers en harke, asook Sigma se baalklampe en vurke besigtig.